Josua 2:1 - Chuukese Bible

¹ Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan.

Josua 2:1 Iomraidhean Croise

Keneses 42:16

Oupwe tinala eman leimi pwe epwe uwato pwimi we. Nge ämi kewe lusun oupwe nonom lon imwen fötek, pwe epwe pwä leten ämi kewe kapas ika ämi oua wenechar. Nge are esap ina, mwo manauen Farao, ämi oua wesewesen chon operi fanü.”

Keneses 42:9

Iwe, Josef a chechemeni an kewe tan a tana usur o üreniir, “Ämi chon operi fanü. Oua chök feito pwe oupwe operi ia esap wor tümwünün fanüem me ie.”

Mika 6:5

Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.”

Numperis 13:1

Iwe, ewe Samol mi Lapalap a üreni Moses,

Numperis 13:2

“Kopwe tinala ekoch mwän pwe repwe operi ewe fanü Kanaan, ewe fanü üpwe ngeni ekewe aramasen Israel. Kopwe tinala akaeman souemwen seni eu me eu ainangen semelaper kewe.”

Numperis 25:1

Iwe, lupwen ekewe chon Israel ra nonom lon Sittim, ekewe mwän ra lisowu ngeni ekewe fin Moap.

Numperis 33:49

Iwe, ra aüetä imwer arun ewe chanpupu Jortan seni Pet-jesimot tori Apel-sittim mi nom lon ekewe maasiesin Moap.

Mateus 1:5

Salmon semen Poas, iten inan Rahap, Poas semen Opet, iten inan Rut, Opet semen Jesi,

Mateus 10:16

“Nengeni, üpwe tinikemiila usun chök sip lein wolif kana. Iei mine oupwe eäni tipachem usun serepenit o oupwe tipepwetete usun tipepweteten ekewe lisom.

Efisos 5:5

Oupwe fokun silei, pwe esap wor eman mi föri sokun föförün lisowu ika mocheisou ika tipemong (pun tipemong a wewe ngeni angang ngeni anümwäl) epwe angei och feiöch seni lon ewe Mwün Kraist me Kot.

Ipru 11:31

Ren än ewe fin lisowu Rahap lükü, i esap ninnila usun chokewe mi aleasolap ngeni Kot, pun a etiwa ekewe chon Israel mi operi ewe fanü.

James 2:25

Ina chök usun ren ewe fin lisowu Rahap. Neminei a küna pwüng me ren Kot ren an föför, lupwen a etiwa ekewe chon Israel mi operi ewe fanü o alisiir pwe repwe süla won pwal efoch al.

Josua 1:18

Nge iö a ü ngeni om allük o aleasolap ngeni alom, ese lifilifil met ka allük ngeni, ätewe epwe ninnila. Kopwe chök apöchökülok o tipepwora.”

Josua 2:2

Iwe, ewe pworaus a tori ewe kingen Jeriko pwe ekoch re Israel ra feito lon ei pwinin, pwe repwe sachei ewe fanü.

Josua 21:31

Helkat me Rehop, pwal ekewe fanü ünükür fän iten nöür man, ükükün rüanü telinimw.

Josua 3:1

Iwe, lesosorusich Josua me ekewe aramasen Israel meinisin ra sai seni Sitim. Ra tori ewe chanpupu Jortan o aüetä imwer ikenan me mwen ar repwe feila pekilan.

Josua 5:10

Iwe, lupwen ekewe aramasen Israel ra nom lon Kilkal, ra föri ewe Pasofer lekuniolun ewe engol me rüanün ränin ewe maram lon ewe maasiesin Jeriko.

Soukapwüng 1:23

Ra tinala ekoch mwän pwe repwe operi Petel mi iteni Lus me lom.

Soukapwüng 18:14

Mürin, ekewe limman mwän mi piin feila pwe repwe operi ewe fanü ünükün Lais ra üreni chiener, “Ifa usun, oua silei pwe lon eu ekei imw a wor echö efot, ekoch uluulun anün leimw me eu uluulun anü mi fal, a kapachetä silifer won? Iei mine oupwe ekieki mine oupwe föri.”

Soukapwüng 18:17

Iwe, ekewe limman mwän mi piin operi ewe fanü ra tolong lon ewe imw o angei ewe uluulun anü mi fal a kapachetä silifer won, ewe efot me ekewe uluulun anün leimw, lupwen ewe souasor a ütä ren ekewe wonopükü mwän mi nom leasamalapen tittin ewe leni fän ar pisekin maun.

Soukapwüng 18:2

Iei mine ekewe chon Tan ra filätä limman mwän mi pwora seni lon unusen ar ainang. Ra tinirela seni Sora me Estaol o üreniir pwe repwe operi ewe fanü o ouwasacha. Iwe, ra tori chukuchukutän ewe fanü Efraim lon imwen Maika o pwinipwin ikenan.