Josua 19:51 - Chuukese Bible

⁵¹ Iwe, ikkei ekewe kinikinin fanü ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ren üttüt me fän mesen ewe Samol mi Lapalap lon Silo me leasamalapen ewe imwmangaku ia aramas ra churi Kot ie. Iei usun ra wes le aineti ewe fanü.

Josua 19:51 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 78:60

A likitala lenian me lon Silo, ewe imw mangaku ia Kot a nom ie me lein ekewe aramas.

Mateus 20:23

Jesus a üreniir, “Ewer, oupwe fokun ün seni ai we kap. Nge esap wor ai pwüüng ai üpwe filätä iö epwe mot lepelifichi me lepelimöngi. Ekei leni Semei a amolätä fän iten chokewe i a filiiretä.”

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Johannes 17:2

Pun ka ngeni nemenem won aramas meinisin, pwe epwe ngeni chokewe en ka ngeni manau esemüch.

Föför 13:19

A akufu fisu mwü lon ewe fanü Kanaan o öffönüa nöün kewe aramas ngeni ewe fanü.

Josua 14:1

Iei pworausen inetin ewe fanü Kanaan mi nom lotoun ewe chanpupu Jortan ngeni ekewe aramasen Israel. Ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ewe fanü ngeniir.

Josua 18:1

Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Josua 18:10

Nge Josua a ütti üttier fanü me fän mesen ewe Samol mi Lapalap lon Silo. Mürin a aineti ewe fanü o ngeni eu me eu kewe lusun ainangen Israel inetin.

Josua 20:1

Mürin, ewe Samol mi Lapalap a kapas ngeni Josua,

Soukapwüng 21:19

Mürin ra apasa, “Nengeni, epwe wor eu chulap fän iten ewe Samol mi Lapalap mi fis iteiten ier lon Silo.” Nge Silo a nom efengin Petel peliötiuen ewe alelap seni Petel tori Sikem örün Lepona.

Soukapwüng 21:21

Iwe, oupwe mamasa ika ekewe föpwülün Silo ra towu pwe repwe pworuk, mürin ämi oupwe towu seni ekewe tanipin wain o tur en me pwülüan me lein ekewe föpwülün Silo. Iwe, oupwe nukirela lon ewe fanü Peniamin.

1. Samuel 1:3

Iwe, iteiten ier Elkana e sou feitä seni an telinimw pwe epwe fel o asor ngeni ewe Samol mi Unusen Manaman me lon Silo. Ikenan nöün Eli kewe ruoman mwän iter Hofni me Pineas ra wisen souasorun ewe Samol mi Lapalap.