Josua 18:7 - Chuukese Bible

⁷ Nge esap wor kinikinin fanüen chon ewe ainangen Lefi me leimi, pun ewe wisen souasor ngeni ewe Samol mi Lapalap iei wiser. Nge chon ekewe ainangen Kat me Rupen pwal esopun ewe ainangen Manasa ra fen angei fanüer me peliötiuen ewe chanpupu Jortan, Moses nöün ewe Samol mi Lapalap chon angang a ngeniir.”

Josua 18:7 Iomraidhean Croise

Numperis 18:20

Iwe, ewe Samol mi Lapalap a pwal üreni Aaron, “Kosap fanüeni eu fanü me lon Israel, esap pwal wor inetum me leir. Pun ngang inetum me wisom me lein ekewe aramasen Israel.

Numperis 18:23

Nge chon ewe ainangen Lefi repwe föri angangen ewe imwenfel seni mangaku o wisen tümwünü seni sokun limengau. Ei epwe eu allük tori feilfeilachök seni eu täppin aramas tori eu täppin. Iwe, esap pwal wor wisen chon ewe ainangen Lefi fanü me lein ekewe aramasen Israel.

Numperis 18:7

Nge ämi chök me noum kewe mwän oupwe föri angangen wisen souasor won ewe rongen asor, pwal angangen lon ewe rumw mi unusen pin. Iei wisemi, pun üa lifang ngenikemi ewe wisen souasor. Nge are eman me lükün epwe kan ngeni ewe imw mi pin, epwe ninnila.”

Tuteronomi 10:9

Iei mine esap wor inetin me wisen chon ewe ainangen Lefi fanü me lein ekewe ainangen Israel. Iwe, ewe Samol mi Lapalap i wiser, usun a fen pwon ngeniir.)

Josua 12:6

Iwe, Moses nöün ewe Samol mi Lapalap we chon angang me ekewe aramasen Israel ra akufu ekei ruoman king. Nge Moses a ngeni chon ekewe ainangen Rupen me Kat pwal ewe esopun ainangen Manasa fanüer pwe repwe fanüeni.

Josua 13:33

Nge Moses esap ngeni chon ewe ainangen Lefi eu fanü pwe repwe fanüeni. Pun a üreniir pwe repwe angei inetir seni ekewe asor aramas ra uwato ngeni ewe Samol mi Lapalap ewe Koten Israel.