Josua 18:3 - Chuukese Bible

³ Iei mine Josua a üreni ekewe aramasen Israel, “Pwota ina saromangemi le feila o fanüeni ewe fanü ewe Samol mi Lapalap än ämi kewe lewo we Kot a ngenikemi?

Josua 18:3 Iomraidhean Croise

Än Salomon Fos 10:4

Eman mi chipwang epwe wöüngau, nge eman mi achocho le angang epwe wöümong.

Än Salomon Fos 13:4

Eman chon chipwang a mwäräkichiti mettoch, nge esap angei och. Nge eman mi achocho le angang epwe tori meinisin mine a mochen.

Än Salomon Fos 15:19

Eman mi chipwang a tolong lon chomong weires, nge eman mi wenechar esap tolong lon osukosuk.

Än Salomon Afalafal 9:10

Kopwe achocho le angang lon mettoch meinisin ka föri, pun esap wor och angang, ekiek, silelap ika tipachem lon lenien sotup ewe ia kopwe feila ie.

Sefanaia 3:16

Lon ena fansoun repwe apasa ngeni Jerusalem, “Kosap niuokus, en Sion, kosap aitietiu poum.

Mateus 20:6

Iwe, ina epwe arapakan kulok limu lekuniol, lupwen a pwal feila lon ewe lenien amömö, a küna ekoch mwän ra chök ükütä ikenan. Iwe, a aisiniir, ‘Pwota oua chök asolapa unusen ei rän ren ämi ükütä chök ikei, nge ousap föri och?’

Johannes 6:27

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

Josua 1:6

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 13:1

Iwe, lupwen Josua a fokun chinlap, ewe Samol mi Lapalap a üreni, “Ka fokun chinlapala, nge a chüen wor chomong fanü ousamwo liapeni.

Josua 18:2

nge mi chüen wor fisu ainang me lein ekewe ainangen Israel esap mwo ainet ngeniir fanüer.

Josua 18:4

Oupwe filätä ülüman mwän seni eu me eu ainang. Üpwe tinirela pwe repwe fetalfeil lon unusen ewe fanü o makei tichikin lapalapan, nge repwe anomu lon ar ekiek meni kinikin epwe öchiti eu me eu ainang. Mürin, repwe liwinto rei.

Soukapwüng 18:9

Nge ir ra pälüeni, “Oupwe ütä, ousipwe feila o maun ngeni chon Lais. Pun äm aia küna ewe fanü pwe a fokun pwülüöch. Ifa usun, oupwe chök momot ikei? Oupwe müttir feila o tolong lon ewe fanü pwe oupwe fanüeni.