Josua 18:16 - Chuukese Bible

¹⁶ Mürin, ewe kiä a feitiu fäsonun ewe chuk mi sapechöchö ngeni ewe lemolun Hinnom mi nom peliefengin müchütiuen ewe lemolun Refaim. A pwal fitätiu ewe lemolun Hinnom peliörün ekewe chukun chon Jepus o feitiu tori En-rokel.

Josua 18:16 Iomraidhean Croise

2. Samuel 17:17

Nge Jonatan me Ahimas ra witiwit lon Enrokel, pun resap mochen eman epwe küna ar repwe tolong lon ewe telinimw. Iwe, eman chon angang fefin a wisen uwei ngeniir pworaus, nge ir ra wisen uwei ngeni ewe king Tafit ekewe pworaus.

2. Samuel 5:18

Iwe, ekewe chon Filistia ra feito o chonifetalei lon ewe lemolun Refaim.

1. King 1:9

Lon eu rän Atonia a eäni asor sip, ätemwänin kow me man mi aümanau ren ewe Föün Serepenit mi nom ünükün Enrokel. Iwe, a köri pwin kewe nöün ewe king mwän me nöün ewe king kewe nöüwis seni Juta, pwe repwe eti le asor.

2. King 23:10

Iwe, ewe king Josia a pwal atai pinin Tofet ewe lenien fel ngeni anü mi nom lon ewe lemolun Pen-hinom, pwe esap chüen wor eman epwe tongeni kenala nöün ät ika nöün nengin pwe eu asor ngeni Molok.

1. Kronika 14:9

Iwe, ekewe chon Filistia ra feito lon ewe lemolun Refaim o angei liaper.

2. Kronika 28:3

Iwe, a keni apach mi pwokus lon ewe lemolun Pen-hinom, a pwal mwo nge keni nöün kewe ät pwe an asor ngeni ekewe uluulun anümwäl, usun än chon ekewe mwü föför mi anioput, ekewe mwü ewe Samol mi Lapalap a asürela me mwen ekewe aramasen Israel.

2. Kronika 33:6

Iwe, a kenala nöün ät pwe eu asor lon ewe lemolun Hinom, a pwal föri angangen souasisil me souwo me sourong o churi watawa me souawarawar. Manasa a föri chomong sokun föför mi ngau me fän mesen ewe Samol mi Lapalap o asonga i.

Aisea 30:33

Pun eu lenien ekkei a amol seni me lomlom. Ewer, a amol fän iten ewe kingen Asiria. Iwe, pwangen ewe lenien ekkei a alolol pwal chölap, a pwal ur ren chomong amüch me ekkei. Enienin ngasangasen ewe Samol mi Lapalap mi usun chök ütten primston epwe fisi.

Jeremaia 19:11

o üreniir, ‘Iei alon ewe Samol mi Unusen Manaman: Usun eman a amökkü eu pör mi för seni pwül, nge esap wor eman epwe tongeni achufengenisefäli, iei usun üpwe atai ei telinimw o afeiengaua ekei aramas. Iwe, aramas repwe peiaseni ekewe somä lon Tofet, pun esap chüen wor lenien peias ekis meinisin.

Jeremaia 19:2

Oupwe towu me lon ewe Asamalapen Mökkün Sepi o feila lon ewe lemolun Hinom. Ikenan kopwe asile ngeniir ekewe kapas üpwe ürenuk.

Jeremaia 19:6

Iei mine ngang ewe Samol mi Lapalap üa apasa: Epwe war ewe fansoun, pwe ei leni esap chüen iteni Tofet ika lemolun Hinom, ngei epwe le iteni lemolun Ninni.

Jeremaia 32:35

Ra senätä rongen asor fän iten ewe anü Paal lon ewe lemolun Hinom, pwe repwe eäni asor nöür ät me nengin ngeni ewe anü Molok. Üsap allük ngeniir, esap pwal tolong lon ai ekiek, pwe repwe föri ei sokun föför mi anioput o emweni chon Juta ngeni tipis.”

Josua 15:63

Nge ekewe aramasen Juta resap tongeni asüela ekewe chon Jepus mi imweimw lon Jerusalem. Iei mine ekewe chon Jepus ra nomofengen me ekewe aramasen Juta lon Jerusalem tori ikenai.

Josua 18:28

Sela, Haelef me Jepus, iei Jerusalem, Kipea me Kiriat-jearim, ükükür meinisin engol me rüanü telinimw fiti wisoposopur. Iei fanüen chon ewe ainangen Peniamin a aükük ngeni ükükün ar kewe famili.

Soukapwüng 1:21

Nge chon ewe ainangen Peniamin resap asüela ekewe chon Jepus mi imweimw lon Jerusalem. Iei mine ekewe chon Jepus ra nonomfengen lon Jerusalem me chon ewe ainangen Peniamin tori ikenai.

Soukapwüng 1:8

Iwe, ekewe re Juta ra maun ngeni Jerusalem. Ra liapeni o niela chon ren ketilas, ra pwal kenala ewe telinimw.

Soukapwüng 19:10

Nge ewe mwän esap mochen pwinini pwal epwin. Iei mine a ütä, a feila o sai wenewen ngeni Jepus, iei Jerusalem, pwal nöün kewe ruoman aas mi uwou pisek me ülüpwülüan we ra eti.