Josua 18:14 - Chuukese Bible

¹⁴ Nge lepelian me lotou ewe kiä a pwelitiu ngeni ör seni ewe chuk mi nom ör sasape ngeni Pet-horon, nge a müchütiu me Kiriat-paal, iei Kiriat-jearim, eu telinimwen chon ewe ainangen Juta. Iei kiännin me pelilotou.

Josua 18:14 Iomraidhean Croise

Josua 15:9

Mürin, ewe kiä a feila seni ungen ewe chuk tori ekewe koluk mi puächetä me lon Neftoa. Nge seni ikenan a feila ngeni ewe telinimw mi arap ngeni ewe chuk Efron o pwelila tori Paala, iei Kiriat-jearim.

2. Samuel 6:2

Mürin, Tafit me ekei aramas meinisin ra feila Pala lon Juta, pwe repwe angei seni ikenan än Kot we pworofel mi iteni iten ewe Samol mi Unusen Manaman, ewe mi mot won an lenien motun king asen ekewe kerop mi nom won ewe pworofel.

Josua 15:60

Iwe, Kiriat-paal, iei Kiriat-jearim, pwal Rapa, ükükün ruu telinimw fiti wisoposopur.

Josua 9:17

Mürin ekewe aramasen Israel ra saila o tori än ekewe aramas telinimw lon aülüngatin rän. Nge iten ar kewe telinimw Kipeon, Kefira, Pereot me Kiriat-jearim.

Josua 18:13

Nge seni ikenan ewe kiä a pwerela ngeni ör wenewen ngeni Lus tori won chukuchukutän Lus, iei Petel. Mürin, ewe kiä a feitiu won ewe chuk mi nom peliörün Pet-horon-fan tori Atarot-atar.

Josua 18:15

Iwe, kiännin me peliör a popueta me lesopun Kiriat-jearim mi nom lotou o pwerela tori ekewe koluk mi puächetä me lon Neftoa.

1. Samuel 13:18

eu mwich a feila ngeni Pet-horon, nge pwal eu mwich a feila ngeni ewe kiä mi sapetiu ngeni ewe lemolun Sepoim akawenewenen ewe fanüapö.