Josua 18:12 - Chuukese Bible

¹² Iwe, kiännin fanüer me peliefeng a popuetä ren ewe chanpupu Jortan. Mürin a feitä won ewe chukuchukutä peliefengin Jeriko, a pwal feitä o pwerela ngeni lotou won ewe fanü mi chukuchukutä o müchütiu lon ewe fanüapön Pet-awen.

Josua 18:12 Iomraidhean Croise

Osea 10:5

Ekewe chon Samaria repwe niuokus fän äsengesin ewe uluulun nienifön kow mi nom Pet-awen. Repwe letipeta pokitan, nge ekewe souasor mi angang ngeni ewe uluulun anümwäl repwe kechüeiti lingan, pun a oola seniir.

Osea 4:15

Inamwo are ämi chon Israel oua föri angangen lisowu, nge amwo chon Juta resap pwal föri ei sokun tipis. Ousap feila pwe oupwe fel lon Kilkal ika lon Pet-awen , ousap pwal eäni ei akapel, “Mwo manauen ewe Samol mi Lapalap.”

Osea 5:8

Ewe Samol mi Lapalap a üra, “Oupwe apu ewe säwi me lon Kipea o ettiki ewe rappwa me lon Rama. Oupwe arükak me lon Pet-awen. Ämi chon Peniamin, oupwe feila maun.

Josua 16:1

Iwe, iei inetin mwirimwirin Josef fanü: Kiännin me peliör a poputä seni ewe chanpupu Jortan ünükün Jeriko peliötiuen ekewe kolukun Jeriko. Seni Jeriko a feilong lon ewe fanüapö o feitä lon ewe fanü mi chukuchukutä tori Petel.

Josua 18:11

Iwe, aeuin kinikinin ewe fanü a ainet ngeni chon ewe ainangen Peniamin a aükük ngeni ükükün ar kewe famili. Kinikinin fanüer a nom lefilen fanüen chon ekewe ainangen Juta me Josef.

Josua 2:1

Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan.

Josua 3:16

ewe koluk mi putiu me asan a popuetä aioifengen me toau tori Atam eu telinimw mi nom ünükün Saretan. Nge ewe koluk mi putiu ngeni ewe Setin Mäla esap chüen pu. Iwe, ekewe aramas ra pwerela pekila akawenewenen Jeriko.

Josua 6:1

Iwe, asamalapen ewe telinimw Jeriko ra kapüngüla pwe ekewe aramasen Israel resap tongeni tolong lon. Esap wor eman a tongeni towu ika tolong.

Josua 7:2

Iwe, Josua a tinala ekoch mwän seni Jeriko ngeni Ai mi arap ngeni Pet-awen ötiuen Petel. Iwe, a üreniir, “Oupwe feila o operi ewe fanü.” Nge wesin än ekewe mwän operi ewe fanü,

Josua 8:15

Mürin, Josua me ekewe re Israel meinisin ra tipin timär o sü ngeni ewe fanüapö.

1. Samuel 13:5

Iwe, ekewe chon Filistia ra amwichafengeniir pwe repwe maun ngeni chon Israel ükükür ilik ngeröü woken me wonongeröü chon wawa oris, nge ükükün ekewe sounfiu usun föün pien aroset ren chomongur. Ra feitä Mikmas ötiuen Pet-awen o nonom ikenan.