Josua 18:10 - Chuukese Bible

¹⁰ Nge Josua a ütti üttier fanü me fän mesen ewe Samol mi Lapalap lon Silo. Mürin a aineti ewe fanü o ngeni eu me eu kewe lusun ainangen Israel inetin.

Josua 18:10 Iomraidhean Croise

1. Kronika 24:5

Pokiten mi wor meilapen ewe leni mi pin, pwal nöün Kot kewe chon angang mi lap lein ekewe mwirimwirin Eleasar, pwal lein ekewe mwirimwirin Itamar, iei mine ra awisa ngeni eu me eu mwich an angang fän üttüt.

Nehemia 11:1

Iwe, ekewe souemwenin aramas ra nom lon Jerusalem. Nge ekewe lusun aramas ra üttüt won eu famili me lein engol famili pwe epwe feito o nonom lon Jerusalem ewe telinimw mi pin, nge ekewe tiu lusun repwe nonom lon en me an telinimw.

Kölfel 47:4

A filätä fän itach ewe fanü sa fanüeni, ewe fanü nöün aramas ra aücheani, ir chokewe Kot a tongeer.

Kölfel 61:5

Pun en ai Kot, ka rongorong ai kewe pwon, ka ngeniei wisen chokewe mi meninituk.

Än Salomon Fos 18:18

Pwüngün üttüt a aükätiu anini o awesi fitikoko lefilen ruoman mi pöchökül.

Jeremaia 7:12

Oupwe feila ren leniei we mi nom Silo, ewe ia üa akom le filätä pwe oupwe fel ngeniei ie. Oupwe nenengeni mine üa föri ngeni pokiten än ekewe aramasen Israel kewe föföringau.

Isikiel 47:22

Oupwe aineti ewe fanü ren üttüt, pwe oupwe fanüeni, ämi me ekewe chon ekis mi nom leimi, pwal nöür kewe mi uputiu ngeniir. Iwe, ir repwe usun chök chon Israel me remi, pwe repwe etikemi le faffanü ewe fanü me lein chon ekewe ainangen Israel.

Isikiel 48:29

Iei usun oupwe aineti ewe fanü ngeni ekewe ainangen Israel pwe repwe fanüeni, pwal iei usun kinikinir,” iei alon Kot ewe Samol mi Lapalap.

Mika 2:5

Iei mine lupwen epwe tori ewe fansoun pwe ewe fanü epwe liwinsefäl ngeni nöün Kot kewe aramas, esap fokun wor inetimi.

Numperis 34:16

Iwe, ewe Samol mi Lapalap a üreni Moses,

Mateus 27:35

Iwe, ra iräpengesi Jesus. Mürin ra üttüt won üfan kewe o ngeni eman me eman leir met üttian.

Johannes 17:2

Pun ka ngeni nemenem won aramas meinisin, pwe epwe ngeni chokewe en ka ngeni manau esemüch.

Föför 13:19

A akufu fisu mwü lon ewe fanü Kanaan o öffönüa nöün kewe aramas ngeni ewe fanü.

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

Kolose 1:12

Oupwe pwapwa lon ämi kilisou ngeni Samach Kot, i ewe mi atufichikemi pwe oupwe eäni ekewe feiöch Kot a iseis fän iten ekewe chon pin lon ewe mwün saram.

Josua 14:2

Iwe, ra angei fanüer ren üttüt, usun ewe Samol mi Lapalap a fen allük fän iten ekewe tiu esop ainang.

Josua 14:5

Iwe, ekewe aramasen Israel ra aineti ewe fanü ren üttüt, usun mine ewe Samol mi Lapalap a allük ngeni Moses.

Josua 18:11

Iwe, aeuin kinikinin ewe fanü a ainet ngeni chon ewe ainangen Peniamin a aükük ngeni ükükün ar kewe famili. Kinikinin fanüer a nom lefilen fanüen chon ekewe ainangen Juta me Josef.

Josua 18:6

Nge ämi oupwe alapalapa ewe fanü lon fisu kinikin o uwato ewe alapalap rei ikei. Mürin üpwe ütti üttiemi me fän mesen ewe Samol mi Lapalap ach we Kot.

Josua 18:8

Iwe, lupwen ekewe mwän ra popuetä ar sai pwe repwe makei tichikin lapalapen ewe fanü, Josua a öüröüreer o üreniir, “Oupwe fetalfeil lon ewe fanü o makei tichikin lapalapan. Mürin oupwe liwinto rei. Iwe, üpwe ütti üttiemi me fän mesen ewe Samol mi Lapalap ikei lon Silo.”

Josua 18:9

Iei mine ekewe mwän ra feila o fetalfeil lon ewe fanü. Ra makeelong lon eu puk lapalapen ewe fanü pwal eu me eu kewe telinimw lon ekewe fisu kinikin. Mürin ra liwinto ren Josua lon Silo ewe ia ra nom ie.

Josua 19:51

Iwe, ikkei ekewe kinikinin fanü ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ren üttüt me fän mesen ewe Samol mi Lapalap lon Silo me leasamalapen ewe imwmangaku ia aramas ra churi Kot ie. Iei usun ra wes le aineti ewe fanü.

Josua 23:4

Nengeni, üa fen aineti ngenikemi fanüen chon ekewe mwü resamwo oola usun chök pwal fanüen chon ekewe mwü üa arosala chor, seni ewe chanpupu Jortan me ötiu tori ewe mataulap mi nom lotou, pwe fanüen ämi kewe ainang.