Josua 18:1 - Chuukese Bible

¹ Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Josua 18:1 Iomraidhean Croise

2. Samuel 7:6

Pun üsap nom lon eu imwenfel seni ewe ränin üa emwenawu ekewe aramasen Israel seni Isip tori ikenai. Nge üa chök saifetal fän eu imw mangaku pwe imwei.

1. King 14:2

Jeropoam a üreni pwülüan, “Etto, kopwe asokala üfom, pwe esap wor eman a tongeni sillenuk pwe en pwülüei. Iwe, kopwe feila Silo ia Ahia ewe soufos a nom ie, ätewe mi apasa pwe üpwe kingen Israel.

1. King 14:4

Iwe, pwülüen Jeropoam a föri iei usun. A feila Silo o tori imwen Ahia. Nge Ahia esap tongeni küna mwan, pun mesan ra toputop pokiten a chinlap.

1. King 2:27

Iwe, Salomon a awesi Apiatar seni wisan we wisen souasor ngeni ewe Samol mi Lapalap. Iei usun a pwönüetä än ewe Samol mi Lapalap kapas a üra me lon Silo fän iten Eli me mwirimwirin kewe.

Nehemia 9:24

Iei mine mwirimwirir kewe ra tolong lon ewe fanü o fanüeni. En ka akufu me mwer ekewe chon Kaanan mi nom lon ewe fanü o atolonga fän nemenier ar kewe king me aramasen ewe fanü, pwe repwe tongeni föri ngeniir usun ar mochen.

Kölfel 78:60

A likitala lenian me lon Silo, ewe imw mangaku ia Kot a nom ie me lein ekewe aramas.

Kölfel 78:66

Iwe, a akufu chon oputan pwe ra sü o asäweer ren säw esemüch.

Jeremaia 26:6

mürin üpwe föri pwe ei imwenfel epwe wewe ngeni ewe lon Silo, nge chon ekewe mwü meinisin won fanüfan repwe eäni ottek iten ei telinimw.’”

Jeremaia 26:9

Pwota ka osuni fän iten ewe Samol mi Lapalap o üra pwe ei imwenfel epwe wewe ngeni ewe lon Silo, nge ei telinimw epwe tala pwe esap so?” Iwe, ekewe aramas meinisin ra pweliela Jeremaia me lon imwen ewe Samol mi Lapalap.

Jeremaia 41:5

walik mwän ra feito seni Sikem, Silo me Samaria, nge ra räisöüla alüser, ra kamwei üfer o akinasa inisir. Ra uwato asoren mongö me apach mi pwokus, pwe repwe asor lon ewe imwenfel.

Numperis 32:22

Mürin, ika ewe fanü a nom fän nemenian, ämi oupwe liwinla, pun oua apwönüetä mine oua pwon ngeni ewe Samol mi Lapalap me ekewe chon Israel. Mürin, ewe Samol mi Lapalap epwe alletätä pwe ei fanü mi nom ötiuen ewe chanpupu Jortan fanüemi.

Föför 7:45

Iwe, mürin ach kewe lewo mi angei ewe imwenfel seni mangaku seni semelaper kewe ra eki ei imwenfel lupwen ra eti Josua le feila o liapeni ewe fanü seni chon ekewe mwü Kot a fen asürela me mwer. Iwe, a nonom lon ewe fanü tori fansoun Tafit.

Josua 18:2

nge mi chüen wor fisu ainang me lein ekewe ainangen Israel esap mwo ainet ngeniir fanüer.

Josua 18:8

Iwe, lupwen ekewe mwän ra popuetä ar sai pwe repwe makei tichikin lapalapen ewe fanü, Josua a öüröüreer o üreniir, “Oupwe fetalfeil lon ewe fanü o makei tichikin lapalapan. Mürin oupwe liwinto rei. Iwe, üpwe ütti üttiemi me fän mesen ewe Samol mi Lapalap ikei lon Silo.”

Josua 19:51

Iwe, ikkei ekewe kinikinin fanü ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ren üttüt me fän mesen ewe Samol mi Lapalap lon Silo me leasamalapen ewe imwmangaku ia aramas ra churi Kot ie. Iei usun ra wes le aineti ewe fanü.

Josua 21:2

Iwe, ra üreniir me lon Silo lon ewe fanü Kanaan, “Ewe Samol mi Lapalap a allük ngeni Moses pwe epwe wor telinimwem aipwe imweimw lon, pwal ekewe fanü ünükür fän iten nöüm man.”

Josua 22:12

Nge lupwen ekewe aramasen Israel ra rong ei pworaus, unusen ar mwich a chufengen lon Silo pwe repwe maun ngeniir.

Josua 22:19

Nge are fanüemi esap öch ngeni ämi oupwe fel lon, oupwe feito pekito lon fanüen ewe Samol mi Lapalap, ewe ia an imwenfel seni mangaku a nom ie. Oupwe angei eu fanü fän itemi me lon fanüem. Nge ousap chök ü ngeni ewe Samol mi Lapalap, ousap pwal atolongakem le ü ngeni ren ämi senätä fän itemi eu rongen asor lükün ewe rongen asor än ewe Samol mi Lapalap ach we Kot.

Josua 22:9

Mürin, chon ekewe ainangen Rupen me Kat pwal ewe esopun ainangen Manasa ra imwüfesen me ekewe aramasen Israel me lon Silo lon ewe fanü Kanaan o liwiniti lenier lon ewe fanü Kiliat. Pun iei wesewesen fanüer ra fanüeni fän än ewe Samol mi Lapalap allük ngeni Moses.

Soukapwüng 18:31

Nge förien Maika we uluulun anü mi fal a nom ikenan lon ükükün fansoun ewe imwen Kot a nom lon Silo.

Soukapwüng 21:12

Iwe, ra küna me lein ekewe chon Japes-kiliat ükükün föpükü föpwül resamwo tori mwän. Ra emwenireto ngeni ewe leni lon Silo mi nom lon ewe fanü Kanaan.

Soukapwüng 21:19

Mürin ra apasa, “Nengeni, epwe wor eu chulap fän iten ewe Samol mi Lapalap mi fis iteiten ier lon Silo.” Nge Silo a nom efengin Petel peliötiuen ewe alelap seni Petel tori Sikem örün Lepona.

1. Samuel 1:24

Nge mürin än Hana mwüti seni oupw, a uwala Silo fiti eman ätemwänin kow ülüngat ierin, ilik paun pilawa mi amas me eu rumen wain. Iwe, a uwala ewe semirit lon imwen ewe Samol mi Lapalap lon Silo, nge a chüen kükün.

1. Samuel 1:3

Iwe, iteiten ier Elkana e sou feitä seni an telinimw pwe epwe fel o asor ngeni ewe Samol mi Unusen Manaman me lon Silo. Ikenan nöün Eli kewe ruoman mwän iter Hofni me Pineas ra wisen souasorun ewe Samol mi Lapalap.