Josua 17:7 - Chuukese Bible

⁷ Iwe, kiännin fanüen Manasa a popuetä seni Aser tori Mikmeta mi nom ötiuen Sikem. Mürin ewe kiä a pwerela ngeni peliör tori fanüen chon En-tapua.

Josua 17:7 Iomraidhean Croise

Keneses 34:2

Nge lupwen Sikem nöün Hamar we ewe re Hiw, i pwal samolun ewe fanü, a küna Tina, a achomanauei o kon ren.

Keneses 37:12

Iwe, pwin Josef kewe ra feila arun Sikem pwe repwe tümwünü nöün semer kewe sip.

Keneses 37:14

Iwe, Israel a üreni, “Kopwe feila o pi are a öch pworausen pwiüm kewe me ekewe sip. Mürin, kopwe liwinto o asileto rei.” Iei mine Israel a tinala Josef seni ewe lemolun Hepron. Nge lupwen Josef a tori Sikem,

1. King 12:1

Iwe, Rehopoam a feila Sikem, pun chon Israel meinisin ra mwichefengen ikenan, pwe repwe seikätä Rehopoam lon wisen king.

1. King 12:25

Iwe, Jeropoam a apöchöküla tittin ewe telinimw Sikem lon ewe fanü mi chukuchukutä me lon Efraim o imweimw ikenan. Mürin, a feila seni ikenan o apöchöküla tittin ewe telinimw Penuel.

1. Kronika 6:67

Iwe, ra ngeniir Sekem, ewe telinimwen op lon chukuchukutän ewe fanü Efraim, pwal Keser,

Kölfel 60:6

Kot a kapas seni lon imwan mi pin, “Lon ai meseik üpwe ineti Sikem o aineti ewe lemolun Sukot ngeni nei aramas.

Josua 17:6

pokiten mwirimwirin Manasa kewe fefin ra pwal angei fanüer usun chök ekewe mwän. Nge ewe fanü Kiliat a ainet ngeni ekewe lusun chon ewe ainangen Manasa.

Josua 17:8

Iwe, Manasa a fanüeni ewe fanü Tapua, nge ewe telinimw Tapua mi nom won kiännin fanüen chon ewe ainangen Manasa än chon ewe ainangen Efraim.

Josua 20:7

Iei mine ra aimwüela Ketes me lon Kalilea lon chukuchukutän ewe fanü Naftali me Sikem lon chukuchukutän ewe fanü Efraim, pwal Kiriat-arapa, iei Hepron lon chukuchukutän ewe fanü Juta me lotoun ewe chanpupu Jortan.

Josua 21:21

Iwe, ra ngeniir Sikem ewe telinimwen op, pwal ekewe fanü ünükün fän iten nöür man lon chukuchukutän ewe fanü Efraim. Ra pwal ngeniir Keser,

Josua 24:1

Mürin, Josua a emwichafengeni ekewe ainangen Israel meinisin lon Sikem. A körifengeni ekewe souakom, ekewe souemwen, ekewe soukapwüng me ekewe meilapen Israel. Iwe, ra feito fän mesen Kot.

Josua 24:32

Iwe, ekewe aramasen Israel ra peiaseni chün Josef ra uwato me Isip. Ra peiaseni lon Sikem, lon kinikinin ewe fanü Jakop a möni won ükükün ipükü föün moni silifer seni nöün Hamor kewe mwän, nge Hamor semen Sikem. Ei fanü a wiliti fanüen mwirimwirin Josef.

Soukapwüng 9:1

Iwe, Apimelek nöün Kition we mwän a feila Sikem ren mongeen inan, pwal ren unusen än inan we eterekes, o kapas ngeniir,