Josua 17:16 - Chuukese Bible

¹⁶ Nge chon ewe ainangen Josef ra apasa, “Ewe fanü mi chukuchukutä esap naf ngenikem. Nge ekewe chon Kanaan meinisin mi nom lon ewe maasies a wor war woken seni mächä, chokewe mi nom Pet-sean pwal lon wisoposopun me chokewe mi nom lon ewe lemolun Jesreel.”

Josua 17:16 Iomraidhean Croise

1. King 18:45

Ekis chök fansoun mürin a cholola fän läng ren kuchu fiti asepwäl, mürin a püngütiu watten üt. Iwe, Ahap a tötä won waan woken o liwinsefälila Jesrel.

1. King 18:46

Nge manamanen ewe Samol mi Lapalap a feitiu won Elias. Iwe, a rietä üfan lukalapan o säla me mwen Ahap tori Jesrel.

1. King 21:1

Iwe, ekoch fansoun mürin a fis ei pworaus: Napot ewe re Jesrel a wor eu an tanipin wain lon Jesrel ünükün imwen Ahap ewe kingen Samaria.

1. King 21:23

Nge ewe Samol mi Lapalap a pwal üra usun Isipel, ‘Ekewe kolak repwe ochei Isipel me lon Jesrel.

1. King 4:12

Paana nöün Ahilut we mwän a nemeni Tanak, Mekito me unusen Pet-sean mi nom ünükün Saretan örün Jesrel, pwal seni Pet-sean tori Apel-mehola achöüala ngeni pekilan Jokmeam.

2. King 9:10

Kolak repwe ochei Isipel me lon kinikinin fanüen Jesrel, nge esap wor eman epwe peiaseni.” Mürin än ewe soufos alüal apasa ekei kapas, a suki asamen ewe rum o süla.

2. King 9:37

Nge somän Isipel epwe toropas usun koiasi won kinikinin fanüen Jesrel, pwe esor eman epwe tongeni apasa: Iei i Isipel.”

Jeremaia 49:2

Nge epwe war ewe fansoun üpwe föri pwe ekewe chon Amon mi nom lon ewe telinimw Rapa repwe rongorong akürangen maun. Ewe telinimw epwe wiliti eu ioien mettoch mi tala, nge wisoposopun kewe repwe karala. Mürin chon Israel repwe angeesefäli fanüer seni chokewe mi angei seniir me mwan. Ngang ewe Samol mi Lapalap üa kapas.

Josua 15:56

Jesreel, Jokteam me Sanoa,

Josua 17:11

Iwe, a pwal wor än Manasa telinimw lon fanüen Isakar me Aser iter: Pet-sean me Ipleam fiti wisoposopur, pwal ekewe telinimw Tor me Entor, Taanak me Mekito fiti chor me wisoposopur, pwal eu leülüngatin ewe fanü Nafat.

Josua 17:15

Iwe, Josua a üreniir, “Are ämi chon ewe ainangen Efraim oua kon chomong, nge fanüemi a kükün ngenikemi, oupwe feitä ren ewe wöllap, oupwe limeti ewe fanü fän itemi, ewe fanüen chon Peris me chon Refa.”

Josua 17:17

Mürin, Josua a üreni chon ekewe ainangen Efraim me Manasa, “Ämi oua kon chomong, oua pwal pöchökül. Ousap fanüeni eu chök fanü,

Josua 17:18

nge oupwe pwal fanüeni ewe fanü mi chukuchukutä. Inamwo are ewe fanü a wöllap, oupwe limeti o fanüeni tori leamüchülan kiännin. Pun oupwe asüela ekewe chon Kanaan, inamwo are a wor war woken seni mächä, are ra pwal pöchökül.”

Josua 19:18

Iwe, a pachelong lon kiännin fanüer ekei telinimw: Jesreel, Chesulot me Sunem,

Soukapwüng 1:19

Ewe Samol mi Lapalap a eti ekewe chon Juta, pwe ra liapeni ewe fanü mi chukuchukutä o fanüeni. Nge resap tongeni asüela aramasen lon ewe maasies, pun a wor war woken seni mächä.

Soukapwüng 4:13

a titi wan kewe woken meinisin ükükün tiupükü woken seni mächä, pwal nöün sounfiu meinisin mi nom fän nemenian, pwe repwe feila seni Haroset-hakoim tori ewe chanpupu Kison.

Soukapwüng 4:3

A wor ükükün tiupükü wän Sisera woken mi för seni mächä. Iwe, a fokun ariaföüü chon Israel lon ükükün rüe ier. Mürin, ekewe chon Israel ra siö ngeni ewe Samol mi Lapalap pwe epwe alisiir.

Soukapwüng 6:33

Mürin, ekewe chon Mitian meinisin, ekewe chon Amalek me ekewe aramas mi nom ötiu ra chufengen, ra pwereto pekiton ewe chanpupu Jortan o nonom lon ewe lemolun Jesreel.

1. Samuel 29:1

Iwe, ekewe chon Filistia ra achufengeni ar mwichen sounfiu meinisin lon Afek. Nge ekewe chon Israel ra nom ren ewe puächen koluk mi nom lon Jesreel.