Josua 17:11 - Chuukese Bible

¹¹ Iwe, a pwal wor än Manasa telinimw lon fanüen Isakar me Aser iter: Pet-sean me Ipleam fiti wisoposopur, pwal ekewe telinimw Tor me Entor, Taanak me Mekito fiti chor me wisoposopur, pwal eu leülüngatin ewe fanü Nafat.

Josua 17:11 Iomraidhean Croise

2. Samuel 21:12

a feila o angei chün Saul me chün Jonatan nöün Saul we mwän seni ekewe re Japes-kiliat. (Ir ätekewe mi angei lemonomon inisin Saul me Jonatan seni lukalapen ewe telinimw Petsan, ia ekewe chon Filistia ra forusirela ie lon ewe ränin ra niela Saul me won ewe chuk Kilpoa.)

1. King 9:15

Iwe, ewe king Salomon a nöünöü chon angangen kinroosi, lupwen a aüetä imwen ewe Samol mi Lapalap me püsin imwan, pwal lupwen a amasoua ewe leni peliötiuen ewe telinimw o aüetä tittin Jerusalem. A pwal nöüniir le aüsefälietä ekewe telinimw Hasor, Mekito me Keser.

2. King 9:27

Lupwen Ahasia ewe kingen Juta a küna mine a fis, a süla ngeni ewe telinimw Pet-hakan. Nge Jehu a tapweri o kökkö, “Oupwe pwal niela ätena.” Iwe, ra peki me lon waan woken, lupwen a sä won ewe al mi feitä Kur arap ngeni ewe telinimw Ipleam. Nge Ahasia a süla Mekito o mäla ikenan.

1. Kronika 6:70

Ra pwal ngeni ekewe lusun familien än Kohat we cho ekewe telinimw Aner me Pileam, pwal ekewe fanü pwelin ünükür fän iten nöür man seni ewe esopun ainangen Manasa.

1. Kronika 7:29

Nge ekewe mwirimwirin Manasa ra imweimw lon Pet-sean, Tanak, Mekito me Tor, pwal lon ekewe telinimw mi nom ünükür. Iwe, ikei ekewe telinimw ekewe mwirimwirin Josef nöün Israel we mwän ra imweimw lon.

2. Kronika 35:22

Iei mwo nge Josia esap fokun kul seni Neko. Esap mochen aüselinga ekewe kapas Neko a üreni fän alon Kot. A asokala üfan o feila maun ngeni me lon ewe maasiesin Mekito.

Kölfel 83:10

Ir ra ninnila me Entor, inisir a usun chök kiten mongö won pwül.

Jeremaia 49:2

Nge epwe war ewe fansoun üpwe föri pwe ekewe chon Amon mi nom lon ewe telinimw Rapa repwe rongorong akürangen maun. Ewe telinimw epwe wiliti eu ioien mettoch mi tala, nge wisoposopun kewe repwe karala. Mürin chon Israel repwe angeesefäli fanüer seni chokewe mi angei seniir me mwan. Ngang ewe Samol mi Lapalap üa kapas.

Sekaraia 12:11

Lon ena fansoun ewe ngüngüres lon Jerusalem epwe watte usun ewe ngüngüres fän iten Hatat-rimon me lon ewe maasiesin Mekito.

Josua 11:2

A pwal titi ekewe king seni ewe fanü mi chukuchukutä mi nom efeng, seni ewe lemolun Jortan örün ewe nomun Kaliläa, seni ewe fanü tekison, pwal seni ewe fanü mi pal itan Tor mi nom lotou.

Josua 12:21

ewe kingen Tanak me ewe kingen Mekito,

Josua 12:23

ewe kingen Tor lon Nafat-tor me ewe kingen Koiim lon Kaliläa

Josua 16:9

chufengen me ekewe telinimw mi imwüla fän iter lon fanüen chon ewe ainangen Manasa, eu me eu telinimw fiti wisoposopun.

Josua 17:10

Iwe, ewe fanü mi nom ör fanüen chon ewe ainangen Efraim, nge ewe fanü mi nom efeng fanüen chon ewe ainangen Manasa, nge ewe mataulap kiännin fanüer me pelilotou. Iwe, kiännin fanüer me efeng fanüen chon Aser, nge kiännin fanüer me ötiu fanüen chon Isakar.

Josua 17:16

Nge chon ewe ainangen Josef ra apasa, “Ewe fanü mi chukuchukutä esap naf ngenikem. Nge ekewe chon Kanaan meinisin mi nom lon ewe maasies a wor war woken seni mächä, chokewe mi nom Pet-sean pwal lon wisoposopun me chokewe mi nom lon ewe lemolun Jesreel.”

Soukapwüng 1:27

Iwe, chon ewe ainangen Manasa resap asüela chon ewe telinimw Pet-sean, Taanak, Tor, Ipleam me Mekito pwal chon wisoposopur meinisin. Pun ekewe chon Kanaan mi nonom lon ewe fanü ra chök amwöchümwöchütiu lon.

Soukapwüng 5:19

Ekewe king ra feito o maun. Ekewe kingen Kanaan ra maun me lon Taanak arun ekewe kolukun Mekito. Nge esap wor liaper silifer.

1. Samuel 28:7

Mürin, Saul a üreni nöün kewe chon angang, “Oupwe kütta fän itei eman watawa fefin pwe üpwe feila ren o aisini.” Nge nöün chon angang ra üreni, “Mi wor eman watawa fefin lon Entor.”

1. Samuel 31:10

Iwe, ra iseis üfen Saul üföüfen maun lon ewe imwenfelin ewe anüfefin Astarot, nge inisin ra emeitiua won tittin ewe telinimw Petsan.

1. Samuel 31:12

ekewe mwän meinisin mi pwora o pöchökül ra ütä o fetal lon unusen ewe pwin tori Petsan. Iwe, ra angei inisin Saul me nöün kewe mwän me won tittin ewe telinimw Petsan, ra liwiniti Japes o keniir ikenan.