Josua 16:3 - Chuukese Bible

³ Mürin a pweretiu ngeni lotou tori kiännin fanüen chon Jaflet, pwal tori kiännin Pet-horon-fan, a pwal tori Keser o müchütiu me ren ewe mataulap.

Josua 16:3 Iomraidhean Croise

1. Kronika 20:4

Mürin ekoch fansoun a fis maun ngeni ekewe chon Filistia me lon Keser. Iwe, Sipekai seni Husa a niela Sipai, eman me lein mwirimwirin ekewe mwänemong, pwal ekewe chon Filistia ra kuf.

1. Kronika 7:24

Iwe, iten nöün Efraim we fefin Seera. Neminei a aüetä Pet-horon-fan me Pet-horon-asan, pwal Usen-seera.

1. Kronika 7:28

Iwe, fanüer kewe me ar kewe lenien wilipos Petel me ekewe telinimw ünükün, feila ngeni Naran mi nom peliötiu me Keser mi nom pelilotou, pwal ekewe telinimw mi nom ünükür, pwal Sekem me Aia me ekewe telinimw mi nom ünükür.

2. Kronika 8:5

A pwal aüsefälietä Pet-horon-asan me Pet-horon-fan, pwe a pöchökül tittir, a pwal wor asamalaper me lokkur.

Numperis 34:6

Iwe, kiännin fanüemi me pelilotou epwe arosetin ewe matau watte.

Josua 10:33

Mürin, Horam ewe kingen Keser a feito pwe epwe alisi chon Lakis. Nge Josua a niela ewe king me nöün sounfiu, tori esap chüen wor eman mi manau.

Josua 18:13

Nge seni ikenan ewe kiä a pwerela ngeni ör wenewen ngeni Lus tori won chukuchukutän Lus, iei Petel. Mürin, ewe kiä a feitiu won ewe chuk mi nom peliörün Pet-horon-fan tori Atarot-atar.

1. Samuel 13:18

eu mwich a feila ngeni Pet-horon, nge pwal eu mwich a feila ngeni ewe kiä mi sapetiu ngeni ewe lemolun Sepoim akawenewenen ewe fanüapö.