Josua 15:11 - Chuukese Bible

¹¹ Mürin a pwerela tori won ewe chukutekison efengin Ekron o pwelila ngeni Sikkeron, a pwal pwerela tori ewe chuk Paala o pwerewu tori Japneel. Mürin, ewe kiä a müchütiu me ren ewe mataulap.

Josua 15:11 Iomraidhean Croise

2. King 1:16

Iwe, Elias a üreni ewe king, “Iei alon ewe Samol mi Lapalap, ‘Pokiten ka tinala chon künö pwe repwe aisini Paalsepup ewe koten Ekron, usun chök nge itä esap wor eman Kot lon Israel pwe kopwe tongeni aisini, iei mine kosap pwätä seni om kiekien samau, nge kopwe fokun mäla.’”

2. King 1:6

Nge ir ra pälüeni ewe king, “Mi wor eman mwän a churikem o ürenikem pwe aipwe liwinto reöm, en äm king, o ürenuk alon ewe Samol mi Lapalap, ‘Ifa usun, esap wor eman Kot lon Israel, ina kopwe titila o aisini Paalsepup ewe koten Ekron? Iei mine kosap pwätä seni om kiekien samau, nge kopwe fokun mäla.’”

2. Kronika 26:6

Iwe, Usia a feila o maun ngeni ekewe chon Filistia. A ataetiu tittin ekewe telinimw Kat, Japne me Astot o aüetä telinimw arun Astot, pwal ekis meinisin lein ekewe chon Filistia.

Numperis 34:6

Iwe, kiännin fanüemi me pelilotou epwe arosetin ewe matau watte.

Josua 15:10

Iwe, ewe kiä a pwal pwelila lotoun Paala tori ewe chukun Seir, a pwerela tori won ewe chuk Jearim me peliefeng, iei Chesalon, a pwal feitiu tori Pet-semes o pwerela Timna.

Josua 15:12

Nge kiännin fanüer me pelilotou arosetin ewe mataulap. Iei kiännin pwelin fanüen aramasen Juta a aükük ngeni ükükün ar kewe famili.

Josua 15:45

Iwe, pwal Ekron me telinimwan me wisoposopun,

Josua 15:9

Mürin, ewe kiä a feila seni ungen ewe chuk tori ekewe koluk mi puächetä me lon Neftoa. Nge seni ikenan a feila ngeni ewe telinimw mi arap ngeni ewe chuk Efron o pwelila tori Paala, iei Kiriat-jearim.

Soukapwüng 1:18

Iwe, ekewe re Juta ra pwal liapeni Kasa, Askelon me Ekron me ekewe fanü ünükür.

1. Samuel 17:52

Nge ekewe re Israel me re Juta ra ütä fän arükak o tapweri ekewe re Filistia tori Kat pwal tori asamalapen ewe telinimw Ekron. Iwe, ekewe re Filistia mi kinas ra turula o mäla won ewe al ngeni Sa-araim, pwal ngeni Kat me Ekron.

1. Samuel 5:10

Iei mine ra tinala Ekron än Kot we pworofel. Nge lupwen än Kot we pworofel a tori Ekron, ekewe aramasen Ekron ra puchöretä, “Ra uwato rech än ewe Koten Israel we pworofel, pwe epwe nikich meinisin.”

1. Samuel 5:8

Iei mine ra titi ekewe samolun chon Filistia meinisin o amwichafengeniir. Iwe, ra ais, “Met sipwe föri ngeni än ewe Koten Israel we pworofel?” Nge ir ra pälüeni, “Oupwe uwala än ewe Koten Israel we pworofel lon Kat.” Iei mine ra uwala lon Kat.

1. Samuel 7:14

Iwe, ekewe chon Filistia ra aliwini ngeni chon Israel ekewe telinimw ra liapeni seniir lefilen Ekron me Kat. Iei usun ekewe chon Israel ra angeesefäli fanüer mi nom fän nemenien ekewe chon Filistia. A pwal wor kinamwe lefilen chon Israel me chon Amor.