Josua 15:10 - Chuukese Bible

¹⁰ Iwe, ewe kiä a pwal pwelila lotoun Paala tori ewe chukun Seir, a pwerela tori won ewe chuk Jearim me peliefeng, iei Chesalon, a pwal feitiu tori Pet-semes o pwerela Timna.

Josua 15:10 Iomraidhean Croise

2. Samuel 6:2

Mürin, Tafit me ekei aramas meinisin ra feila Pala lon Juta, pwe repwe angei seni ikenan än Kot we pworofel mi iteni iten ewe Samol mi Unusen Manaman, ewe mi mot won an lenien motun king asen ekewe kerop mi nom won ewe pworofel.

2. King 14:11

Nge Amasia esap mochen rongorong. Iei mine Jehoas ewe kingen Israel a feila pwe epwe maun ngeni Amasia ewe kingen Juta. Iwe, ra künafengeniir me lon Pet-semes lon ewe fanü Juta.

2. Kronika 28:18

Pwal ekewe chon Filistia ra tolong lon ekewe telinimw mi nom fäsonun ekewe chuk, pwal lon ewe fanü Nekep lon Juta. Iwe, ra liapeni Pet-semes, Aialon, Keterot, Soko pwal Timna me Kimso fiti wisoposopur. Iwe, ra imweimw ikenan.

Josua 15:11

Mürin a pwerela tori won ewe chukutekison efengin Ekron o pwelila ngeni Sikkeron, a pwal pwerela tori ewe chuk Paala o pwerewu tori Japneel. Mürin, ewe kiä a müchütiu me ren ewe mataulap.

Josua 15:57

Kain, Kipea me Timna, ükükür meinisin engol telinimw fiti wisoposopur.

Josua 19:38

Jiron, Miktalel, Horem, Pet-anat me Pet-semes, ükükün engol me tiu telinimw fiti wisoposopur.

Josua 21:16

Ain, Jutta me Pet-semes pwal ekewe fanü ünükür fän iten nöür man, ükükün tiu telinimw seni ekei ruu ainang.

Soukapwüng 14:1

Iwe, lon eu rän Samson a feitiu Timna, nge ikenan a küna eman lein ekewe föpwülün Filistia.

Soukapwüng 14:5

Mürin, Samson a etatiu saman me inan lon Timna. Nge lupwen a tori ekewe tanipin wain me lon Timna, eman nienifön laion a müttir feito o wörüwör ngeni.

1. Samuel 6:9

Oupwe mamasa. Are epwe feitä ngeni püsin fanüan won ewe al ngeni Pet-semes, mürin sipwe silei pwe ewe Koten Israel a awarato ngenikich ei feiengau mi lapalap. Nge are esap feitä, sipwe pwal silei pwe esap afeiengauakich, pwe a chök püsin fis ngenikich.”