Josua 14:9 - Chuukese Bible

⁹ Iwe, lon ewe ränin Moses a pwon fän akapel ngeniei o apasa, ‘Ellet, ewe fanü ka fen ipwetiu won epwe fanüom me noum kana tori feilfeilachök, pokiten ka apwönüetä letipen ewe Samol mi Lapalap ai we Kot.’

Josua 14:9 Iomraidhean Croise

Kölfel 37:9

Pun ekewe aramasangau repwe käriwu, nge chokewe mi apilükülükü ewe Samol mi Lapalap repwe fanüeni ewe fanü.

Numperis 13:22

Ra feitä akomw lon ewe fanü Nekep o tori Hepron ia Ahiman, Sesai me Talmai, ekewe mwirimwirin Anak, ra imweim ie. Nge ewe telinimw Hepron a kaütä fisu ier mwen ewe telinimw Soan lon Isip a kaütä.

Tuteronomi 1:36

chilon chök Kalep nöün Jefune we mwän, i epwe küna ewe fanü. Iwe, üpwe ngeni i me mwirimwirin kana ewe fanü a fen fetal won, pun a fokun aleasochis ngeniei ren unusen lelukan.’

Tuteronomi 11:24

Ekewe leni meinisin ia pechemi repwe ipwelong ie epwe fanüemi. Iwe, kiännin fanüemi epwe seni ewe fanüapö mi nom ör tori ewe chuk Lepanon mi nom efeng, pwal seni ewe chanpupu Oifrat mi nom ötiu tori ewe matau watte mi nom lotou.

Josua 1:3

Ekewe leni meinisin ia oupwe ipwelong ie üa ngenikemi, usun üa fen pwon ngeni Moses.

Josua 14:10

Nengeni, iei ewe Samol mi Lapalap a amanauaei usun a apasa. Iei a faik me limu ier seni ewe fansoun ewe Samol mi Lapalap a eäni ei kapas ngeni Moses, lupwen chon Israel ra fetalfeil lon ewe fanüapö. Ikenai üa ierini walik me limu.

Soukapwüng 1:20

Iwe, ra ngeni Kalep ewe telinimw Hepron, usun Moses a fen apasa. Ätei a asüela seni lon Hepron ekewe ülüman mwän ir mwirimwirin Anak.