Josua 14:4 - Chuukese Bible

⁴ Pun ekewe mwirimwirin Josef ra ruu ainang, ekewe ainangen Manasa me Efraim. Nge chon ewe ainangen Lefi resap angei eu kinikin me lon ewe fanü, pwe ra chök angei telinimw pwe repwe imweimw lon fiti ekewe fanü ünükür fän iten nöür man.

Josua 14:4 Iomraidhean Croise

Keneses 41:51

Iwe, Josef a aita ngeni nöün mwänichi Manasa , pun a apasa, “Kot a amanlükala seniei ai riaföü meinisin, pwal ai positi chon leimwen semei.”

Keneses 41:52

Nge ewe aruomanün a aita ngeni Efraim , pun a apasa, “Kot a fang ngeniei nei lon ei fanü üa weires lon.”

Keneses 46:20

Nge Asenat nöün Potifera, ewe souasoren On, a nöüni me won Josef Manasa me Efraim lon ewe fanü Isip.

Keneses 48:1

Ekoch fansoun mürin ra asile ngeni Josef, “Semom a samau.” Iei mine Josef a angei nöün kewe ruoman ät iter Manasa me Efraim o uweerela ren.

Keneses 48:5

Iwe, noum kana ruoman ät ra uputiu ngonuk me lon ei fanü Isip mwen ai feito lon ei fanü, ir nei. Efraim me Manasa üpwe fokun nöüniir usun chök Rupen me Simeon.

Keneses 48:6

Nge ekewe mi uputiu müriir en kopwe nöüni. Ir repwe wiseni wisen Manasa me Efraim.

2. Kronika 30:1

Iwe, Hiskia a tinala chon künö ren ekewe chon Israel me Juta meinisin, a pwal makela toropwe ngeni ekewe chon Efraim me Manasa, pwe repwe feito ren ewe imwenfel lon Jerusalem o föri ewe Pasofer ngeni ewe Samol mi Lapalap, ewe Koten Israel.

Numperis 26:28

Iei ekewe mwirimwirin Josef lon tettelin ar kewe cho mi pop seni Manasa me Efraim:

Josua 16:4

Iei ewe fanü ekewe mwirimwirin Manasa me Efraim nöün Josef kewe mwän ra angei.