Josua 14:11 - Chuukese Bible

¹¹ Ngang üa chüen pöchökül tori ikenai, usun pöchökülei lon ewe fansoun Moses a tinieila. Ikenai üa chüen pöchökül le feila maun usun chök lepöchökülei me lom.

Josua 14:11 Iomraidhean Croise

Kölfel 103:5

a amasoua manauei ren mettoch mi mürina, pwe üpwe liwiniti pöchökülen le säräföi usun eman ikel.

Kölfel 90:10

Iwe, ierin manauem ra tori fik, nge are eman a pöchökül, a tori walik ier. Nge lon ekewe ier a chök masou ren angang me weires. Ra müttir wesila usun chök aia ässila.

Aisea 40:31

Nge chokewe mi anomu ar apilükülük won ewe Samol mi Lapalap repwe angei pöchökül mi fö. Repwe ässitä ren pöükässir usun chök ekewe asaf. Repwe fefeil, nge resap achanü. Repwe fetal, nge resap malülü.

Tuteronomi 31:2

o üreniir, “Ngang üa ierini ipükü rüe ikenai. Üsap chüen tufichin ai üpwe emwenikemi. Nge ewe Samol mi Lapalap a pwal üreniei pwe üsap tongeni feila pekilan ewe chanpupu Jortan.

Tuteronomi 33:25

Iwe, lokkun asamalapen ar kewe telinimw repwe för seni mächä me piras. Lon ükükün ränin manauer ina pwal ükükün ar repwe pöchökül.”

Tuteronomi 34:7

Moses a ierini ipükü rüe, lupwen a mäla. Mesan resap toputop, nge an pöchökül esap kisila.

Josua 14:10

Nengeni, iei ewe Samol mi Lapalap a amanauaei usun a apasa. Iei a faik me limu ier seni ewe fansoun ewe Samol mi Lapalap a eäni ei kapas ngeni Moses, lupwen chon Israel ra fetalfeil lon ewe fanüapö. Ikenai üa ierini walik me limu.