Josua 13:9 - Chuukese Bible

⁹ Fanüer a poputä seni Aroer mi nom lepökütiwen ewe lemolun Arnon pwal ewe telinimw mi nom lukalapen ewe lemol me unusen ewe fanü mi sosonöch seni Metepa tori Tipon,

Josua 13:9 Iomraidhean Croise

2. Samuel 24:5

Ra feila pekilan ewe chanpupu Jortan o popuetä seni Aroer, pwal seni ewe telinimw mi nom lukalapen ewe lemol, ra feil ngeni Kat tori Jaser.

1. Kronika 19:7

Iwe, ra möni ilik me ruungeröü woken, pwal ewe king seni Maka me an mwichen sounfiu. Ra feito o nonom mwen Metepa. Pwal ekewe chon Amon ra kö seni ar kewe telinimw, pwe repwe feila maun.

Nehemia 11:25

Ikkei ekewe telinimw me ekewe tanipi ünükür, ekoch chon ewe ainangen Juta ra nonom lon: Kiriat-arapa, Tipon me Jekapsel fiti wisoposopur kewe.

Aisea 15:2

Ekewe aramasen Tipon ra feitä won ekewe lenien fel mi nom won ekewe chuk pwe repwe kechü. Chon Moap ra ngüngüres fän iten ar kewe telinimw Nepo me Metepa. Ra räisöüla mökürer me aluser pokiten ar letipeta.

Jeremaia 48:18

Ämi chon Tipon, oupwe sapwilitiu seni leniemi mi iteföüla o mot won pwül mi sangang. Pun ewe chon atai Moap a feito o ataela ämi kewe imwen maun mi pöchökül.

Jeremaia 48:22

won Tipon, Nepo me Pet-tiplataim,

Jeremaia 48:8

Ewe chon kata epwe feito won iteiten telinimw, nge esap wor eu epwe tiwewu. Ewe lemol epwe tatakis, nge ewe maasies epwe tala usun ngang ewe Samol mi Lapalap üa fen kapas.

Numperis 21:30

Nge iei sia aroserela seni Hespon tori Tipon, pwal tori Nofa me Metepa.”

Tuteronomi 2:36

Iwe, seni Aroer mi nom ünükün lemolun ewe chanpupu Arnon pwal seni ewe telinimw mi nom lon ewe lemol tori Kiliat esap wor eu tittin telinimw mi tekia sisap atai. Ewe Samol mi Lapalap a atolongeer meinisin fän nemeniach.

Tuteronomi 3:12

“Iwe, lon ena fansoun, lupwen sa fanüeni ei fanü, üa ngeni chon ekewe ainangen Rupen me Kat ewe fanü efengin Aroer mi nom ünükün lemolun ewe chanpupu Arnon, pwal esop seni chukuchukutän ewe fanü Kiliat me telinimwan kewe.

Tuteronomi 3:16

Üa pwal ngeni chon ekewe ainangen Rupen me Kat ewe fanü seni Kiliat tori lemolun ewe chanpupu Arnon. Nge lukalapen ewe lemol iei kiännin fanüer me peliör, nge kiännin fanüer me peliefeng ewe chanpupu Japok, iei pwal kiännin fanüen chon Amon.

Josua 12:2

Ra akufu Sihon ewe kingen chon Amor mi nom lon Hespon. A nemeni ewe fanü seni Aroer mi nom lepökütiwen ewe lemolun Arnon, pwal ewe telinimw lukalapen ewe lemol tori ewe chanpupu Japok kiännin fanüen chon Amon. Iei esopun Kiliat.

Josua 13:10

fiti ekewe telinimw meinisin än Sihon ewe kingen chon Amor mi nemenem lon Hespon tori kiännin fanüen chon Amon.

Josua 13:16

Iei kinikinin fanüer seni Aroer mi nom lepökütiwen ewe lemolun Arnon, pwal ewe telinimw mi nom lukalapen ewe lemol me unusen ewe fanü mi sosonöch tori Metepa

Josua 13:8

Iwe, ewe esopun ainangen Manasa me chon ekewe ainangen Rupen me Kat ra fen angei fanüer me ren Moses pekilan ewe chanpupu Jortan me peliötiuan, usun Moses nöün ewe Samol mi Lapalap we chon angang a fen ineti ngeniir.