Josua 13:7 - Chuukese Bible

⁷ Iei mine kopwe ineti ei fanü ngeni ekewe tiu ainang me ewe esopun ainangen Manasa, pwe repwe fanüeni.”

Josua 13:7 Iomraidhean Croise

Kölfel 105:44

Iwe, a ngeniir fanüen chon ekewe mwü, nge ir ra fanüeni ewe fanü o feiöchüni än ekewe aramas angang.

Kölfel 78:55

A asüela chon ekewe mwü me mwer. A aineti ngeni ekewe ainangen Israel fanüer pwe repwe fanüeni o ngeniir imwer.

Isikiel 45:1

“Iwe, lupwen oupwe aineti ewe fanü ngeni ekewe ainangen Israel, oupwe aimwüela eu kinikin fän iten ewe Samol mi Lapalap, pwe epwe eu leni mi pin. Iwe, ükükün langataman engol mail, nge chölapan ükükün walu mail. Unusen ei fanü epwe pin.

Numperis 33:54

Oupwe aineti ewe fanü ren üttüt, aükük ngeni chochon ämi kewe cho pwe repwe fanüeni. Are eu ainang a watte, oupwe awattei fanüan, nge are eu ainang a kükün, oupwe pwal akükünü fanüan. Meni fanü eman a ütti, epwe pwal fanüeni. Oupwe fanüeni ewe fanü aükük ngeni chochon ainangen sememi kewe.

Numperis 34:13

Iwe, Moses a allük ngeni ekewe aramasen Israel o üreniir, “Iei ewe fanü oupwe fanüeni ren üttüt. Ei fanü epwe ainet ngeni ekewe tiu esop ainang, usun ewe Samol mi Lapalap a allük.

Josua 13:6

pwal ekewe fanüen chon Siton meinisin mi chukuchukutä lefilen Lepanon me Misrefot-maim. Ngang üpwe püsin asüela me mwen ekewe aramasen Israel chon ekewe fanü meinisin. Nge kopwe chök ineti ewe fanü ngeni ekewe chon Israel pwe repwe fanüeni, usun üa fen allük ngonuk.

Josua 13:8

Iwe, ewe esopun ainangen Manasa me chon ekewe ainangen Rupen me Kat ra fen angei fanüer me ren Moses pekilan ewe chanpupu Jortan me peliötiuan, usun Moses nöün ewe Samol mi Lapalap we chon angang a fen ineti ngeniir.

Josua 14:2

Iwe, ra angei fanüer ren üttüt, usun ewe Samol mi Lapalap a fen allük fän iten ekewe tiu esop ainang.