Josua 13:6 - Chuukese Bible

⁶ pwal ekewe fanüen chon Siton meinisin mi chukuchukutä lefilen Lepanon me Misrefot-maim. Ngang üpwe püsin asüela me mwen ekewe aramasen Israel chon ekewe fanü meinisin. Nge kopwe chök ineti ewe fanü ngeni ekewe chon Israel pwe repwe fanüeni, usun üa fen allük ngonuk.

Josua 13:6 Iomraidhean Croise

Kölfel 80:8

En ka uwato efoch irän wain seni Isip, ka asüela chon ekewe mwü o fotukätiu ewe irä lon fanüer.

Numperis 33:54

Oupwe aineti ewe fanü ren üttüt, aükük ngeni chochon ämi kewe cho pwe repwe fanüeni. Are eu ainang a watte, oupwe awattei fanüan, nge are eu ainang a kükün, oupwe pwal akükünü fanüan. Meni fanü eman a ütti, epwe pwal fanüeni. Oupwe fanüeni ewe fanü aükük ngeni chochon ainangen sememi kewe.

Josua 1:6

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 11:12

Iwe, Josua a liapeni ekewe telinimw me ar kewe king meinisin, a niela aramasen lor o fokun aroserela, usun Moses nöün ewe Samol mi Lapalap we chon angang a fen allük.

Josua 11:8

Iwe, ewe Samol mi Lapalap a awinna chon Israel, pwe ra akufuur o tapweriir tori Sitonlap me Misrefot-maim, pwal tori ewe lemolun Mispa mi nom ötiu. Iwe, ra nirela meinisin tori esap chüen wor eman mi manau.

Josua 13:7

Iei mine kopwe ineti ei fanü ngeni ekewe tiu ainang me ewe esopun ainangen Manasa, pwe repwe fanüeni.”

Josua 23:13

oupwe fokun silei pwe ewe Samol mi Lapalap ämi we Kot esap chüen asüela chon ekei mwü me mwemi. Nge ir repwe afeiengau ngenikemi usun chök eu lenien likatup ika eu sär, pwal usun chök metekin efoch wokun wichiwich eman a wichi ngeni sökürümi ika efoch fölün irafölüföl lon mesemi, tori oupwe rosola seni ewe fanü mi mürina, ewe Samol mi Lapalap ämi we Kot a ngenikemi.

Josua 23:4

Nengeni, üa fen aineti ngenikemi fanüen chon ekewe mwü resamwo oola usun chök pwal fanüen chon ekewe mwü üa arosala chor, seni ewe chanpupu Jortan me ötiu tori ewe mataulap mi nom lotou, pwe fanüen ämi kewe ainang.

Josua 23:5

Iwe, ewe Samol mi Lapalap ämi we Kot epwe püsin tinirewu me mwemi, epwe pwal asürela, lupwen oupwe tolong lon fanüer, nge ämi oupwe fanüeni fanüer, usun ewe Samol mi Lapalap a fen pwon ngenikemi.