Josua 13:5 - Chuukese Bible

⁵ ewe fanüen chon Kepal me unusen ewe fanü Lepanon kükü ngeni ötiu, seni Paal-kat mi nom fäsonun ewe chuk Hermon tori ewe al mi ale ngeni Hamat,

Josua 13:5 Iomraidhean Croise

1. King 5:18

Iei usun nöün Salomon me nöün Hairam kewe chon kaü imw, pwal ekewe re Kepal ra falei ekewe fau o amolätä ekewe irä, pwe repwe aüetä ewe imwenfel.

1. King 8:65

Iei usun Salomon me ekewe chon Israel meinisin mi nom ren ra föri ewe chulapen likachoch lon ewe fansoun. Iwe, eu mwichemongen aramas ra feito seni ewe al mi ale ngeni Hamat a nom efeng, pwal seni ewe öüwön Isip a nom ör. Ra föri efinünen ewe imwenfel lon ükükün fisu rän, nge lon ükükün fisu rän ra föri ewe chulapen likachoch.

Kölfel 83:7

ekewe chon Kepal, chon Amon me chon Amalek, ekewe chon Filistia me chokewe mi imweimw lon ewe telinimw Tirus,

Aisea 10:9

Ifa usun, üsap liapeni Kalno me Karkemis, Hamat me Arpat, pwal Samaria me Tamaskus?

Jeremaia 52:9

Mürin ar liapeni Setekia ra emwenala ren ewe kingen Papilon mi nom Ripla lon ewe fanü Hamat. Iwe, ewe kingen Papilon a apwüngala mine epwe fis ngeni.

Isikiel 27:9

Ekewe mwän mi silelap angangen won wa seni Kepal ra nonom reöm, pwe repwe pwiniongei womw. Ekewe sein lematau meinisin me sälan wor ra feito reöm, pwe repwe amömö ngonuk ar kewe pisek.

Amos 6:2

Oupwe feila o katol ewe telinimw Kalne. Seni ikenan oupwe feila Hamat ewe telinimw mi watte, mürin oupwe feitiu Kat ewe telinimwen chon Filistia. Ifa usun, ekei mwü ra öch seni mwün Juta me Israel? Ifa usun, fanüer a watte seni fanüemi?

Numperis 13:21

Iwe, ekewe chon op ra feitä o operi ewe fanü seni ewe fanüapön Sin tori Rehop arap ngeni ewe al a ale ngeni Hamat.

Numperis 34:8

Iwe, seni ewe chuk Hor epwe tori wenewenen Hamat, mürin kiännin epwe feitä tori Setat

Tuteronomi 1:7

Iei oupwe kul o sai. Oupwe sai ngeni fanüen chon Amor mi chukuchukutä, pwal ngeni fanüen chon aruur lon ewe lemolun Jortan. Oupwe sai ngeni ewe fanü mi chukuchukutä me ewe fanü mi maasies, ngeni ewe fanü Nekep me ewe fanü aroset, ewe fanüen chon Kanaan me Lepanon tori ewe chanpupu watte itan Oifrat.

Tuteronomi 3:25

Üa tüngor ngonuk pwe kopwe mwüt ngeniei üpwe pwerela pekilan ewe chanpupu Jortan o küna ewe fanü mi mürina, ewe fanü mi chukuchukutä o fokun mürina, pwal ewe chuk Lepanon.’

Josua 11:17

Iei ükükün ewe fanü seni ewe chuk Halak mi nom ör arap ngeni Etom tori Paal-kat mi nom efeng lon ewe lemolun Lepanon fäsonun ewe chuk Hermon. Iwe, a liapeni kingen ekewe fanü o nirela.

Josua 11:3

Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.

Josua 12:7

Iwe, Josua me ekewe aramasen Israel ra akufu ekewe king meinisin mi nom pelilotoun ewe chanpupu Jortan seni Paal-kat mi nom lon ewe lemolun Lepanon tori ewe chuk Halak mi nom ör arap ngeni Etom. Iwe, Josua a ngeni ekewe ainangen Israel fanüer pwe repwe fanüeni lon ükükün en me inetin.