Josua 13:4 - Chuukese Bible

⁴ unusen fanüen chon Kanaan me Meara, fanüen chon Siton tori Afek mi nom arun kiännin fanüen chon Amor,

Josua 13:4 Iomraidhean Croise

1. King 20:26

Iwe, lupwen a tori ewe ier mürin, Penhatat a körifengeni ekewe re Siria o feila Afek pwe epwe maun ngeni chon Israel.

1. King 20:30

Nge ekewe lusun mi chüen manau ra sülong lon ewe telinimw Afek. Iwe, tittin ewe telinimw a turutiu wor o niela pwal ükükün rüe me fisungeröü. Penhatat a pwal sülong lon ewe telinimw o op lon rumwen eu imw.

Isikiel 16:3

Iwe, kopwe üreni Jerusalem, pwe iei alon Kot ewe Samol mi Lapalap ngeni: Poputän fanüom Kanaan, pun ka uputiu ikenan. Semom eman re Amor, nge inom eman fin Hit.

Amos 2:10

Üa emwenikemiiwu seni ewe fanü Isip o emwenikemi lon ewe fanüapö lon ükükün faik ier. Üa ngenikemi fanüen ekewe chon Amor pwe oupwe fanüeni.

Josua 10:40

Iwe, Josua a liapeni unusen ewe fanü: ewe fanü mi chukuchukutä me ewe fanü Nekep, ewe fanü mi tekison me ewe fanü mi pal, a pwal liapeni ar kewe king. Esap amanaua eman, nge a fokun arosala meinisin, usun ewe Samol mi Lapalap ewe Koten Israel a allük.

Josua 11:3

Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.

Josua 12:18

ewe kingen Afek me ewe kingen Lasaron,

Josua 19:30

Uma, Afek me Rehop, ükükün rüe me ruu telinimw fiti wisoposopur.

1. Samuel 4:1

Lon ena fansoun chon Israel ra feila pwe repwe maun ngeni chon Filistia. Iwe, ra nonom lon Epineser, nge ekewe chon Filistia ra nonom Afek.