Josua 13:3 - Chuukese Bible

³ Ewe fanü seni ewe chanpupu Sihor mi nom ötiuen Isip pwere ngeni efeng tori kiännin Ekron, iei fanüen chon Kanaan. Nge mi wor limman sounemenemen chon Filistia, ra nom lon Kasa, Astot, Askelon, Kat me Ekron. Ousamwo pwal liapeni fanüen chon Aw mi nom ör,

Josua 13:3 Iomraidhean Croise

Keneses 10:6

Iwe, nöün Ham mwän: Kush, Isip, Put me Kanaan.

Keneses 15:18

Iwe, lon ewe rän ewe Samol mi Lapalap a föri eu pwon ngeni Apram o apasa, “Üpwe ngeni mwirimwirum kana ei fanü, seni ewe chanpupun Isip tori ewe chanpupu mi watte itan Oifrat,

1. King 8:65

Iei usun Salomon me ekewe chon Israel meinisin mi nom ren ra föri ewe chulapen likachoch lon ewe fansoun. Iwe, eu mwichemongen aramas ra feito seni ewe al mi ale ngeni Hamat a nom efeng, pwal seni ewe öüwön Isip a nom ör. Ra föri efinünen ewe imwenfel lon ükükün fisu rän, nge lon ükükün fisu rän ra föri ewe chulapen likachoch.

1. Kronika 13:5

Iwe, Tafit a achufengeni chon Israel meinisin seni ewe chanpupu Sihor lon Isip tori ewe alen tolong lon Hamat, pwe repwe angei ewe pworofel seni Kiriat-jearim.

Aisea 23:3

ra uwato remi wiich seni Sihor me resin ewe chanpupu Nil. Leniemi a eu lenien amömö fän iten chon fanüfan meinisin.

Jeremaia 2:18

Met om feiöch ren om feila Isip pwe kopwe ün seni kolukun ewe chanpupu Nil? Ika met om feiöch ren om feila Asiria pwe kopwe ün seni kolukun ewe chanpupu Oifrat?

Tuteronomi 2:23

Iwe, ekewe chon Kaftor mi feito seni Kaftor ra arosala ekewe chon Aw mi nonom lon ekewe sop tori Kasa. Iwe, ra nonom lon lenier.)

Josua 13:13

Nge ekewe aramasen Israel resap asüela chon Kesur me chon Makat seni fanüer. Iei mine ra nonom lein chon Israel tori ikenai.

Soukapwüng 16:5

Iwe, ekewe samolun chon Filistia ra feito ren neminewe o üreni, “Kopwe echimwa Samson o kütta met popun a kon watte an pöchökül. Kopwe pwal kütta ren met aipwe tongeni turufi pwe aipwe tongeni föti o akufu. Mürin aipwe en me ngonuk engeröü ipükü föün moni silifer.”

Soukapwüng 3:3

Ikkei ir chon ekewe mwü mi nonometiu: ekewe limman samolun Filistia me ekewe chon Kanaan meinisin, ekewe chon Siton me chon Hiw mi nom won ewe chuk Lepanon, seni ewe chuk Paal-hermon tori ewe al a ale ngeni Hamat.

1. Samuel 5:1

Iwe, lupwen ekewe chon Filistia ra liapeni än Kot we pworofel, ra uwala seni Epineser tori Astot.

1. Samuel 5:10

Iei mine ra tinala Ekron än Kot we pworofel. Nge lupwen än Kot we pworofel a tori Ekron, ekewe aramasen Ekron ra puchöretä, “Ra uwato rech än ewe Koten Israel we pworofel, pwe epwe nikich meinisin.”

1. Samuel 5:8

Iei mine ra titi ekewe samolun chon Filistia meinisin o amwichafengeniir. Iwe, ra ais, “Met sipwe föri ngeni än ewe Koten Israel we pworofel?” Nge ir ra pälüeni, “Oupwe uwala än ewe Koten Israel we pworofel lon Kat.” Iei mine ra uwala lon Kat.

1. Samuel 6:4

Mürin, ra aisiniir, “Met sokun ewe asoren tipis aipwe tinala ren?” Ra pälüeni, “Oupwe tinala limeföü uluulun pwoo seni kolt, pwal limman uluulun nakich seni kolt ükükün iteiten samolun chon Filistia. Pun eu chök mätter a ürikemi meinisin, pwal nöümi kewe samol.