Josua 13:25 - Chuukese Bible

²⁵ Iwe, kinikinin fanüer: Jaser me ekewe telinimwen Kiliat meinisin pwal esopun fanüen chon Amon tori Aroer mi nom ötiuen Rapa,

Josua 13:25 Iomraidhean Croise

2. Samuel 11:1

Iwe, eu ier mürin, lepoputän fansoun leräs, lupwen ekewe king ra feila maun, Tafit a tinala Joap fiti nöün kewe meilap me ekewe sounfiun Israel meinisin. Ra akufu ekewe chon Amon o pwelifeili Rapa fän pisekin maun. Nge Tafit a chök nonom lon Jerusalem.

2. Samuel 12:26

Lon ei chök fansoun, Joap a maunei Rapa samolun telinimwen chon Amon o liapeni än ewe king lenien koluk.

2. Samuel 24:5

Ra feila pekilan ewe chanpupu Jortan o popuetä seni Aroer, pwal seni ewe telinimw mi nom lukalapen ewe lemol, ra feil ngeni Kat tori Jaser.

1. Kronika 26:31

Jeria samolun ekewe mwirimwirin Hepron. Lon afaiken ierin mwün Tafit ra kütta sounfiu mi fokun pwora me lein ekewe mwirimwirin Hepron. Iwe, ra küneer pwe ra nom lon Jaser lon ewe fanü Kiliat.

1. Kronika 6:81

pwal Hespon me Jaser me ekewe fanü pwelin ünükür fän iten nöür man.

Aisea 16:8

Iwe, ekewe tanipin Hespon ra tala, pwal ekewe irän wain lon Sipma. Iwe, samolun ekewe mwü ra pökü palan kewe mi tori Jaser me lom o märelong lon ewe fanüapö, nge fasaran kewe ra chöüla tori ewe matau.

Aisea 17:2

Aramas repwe likitala ekewe telinimwen Siria tori feilfeilachök, pwiin man chök repwe nonom lor fän kinamwe, nge esap wor eman epwe eniwokusuur.

Jeremaia 48:32

Üpwe kechüeituk, en Sipma, lap seni ai kechüeiti Jaser. En telinimw Sipma ka wewe ngeni efoch irän wain, palom kewe ra itila pekilan ewe Setin Mäla, pwal tori Jaser. Ewe chon kata a atai uom kewe mi nup me om kewe föün irän wain.

Isikiel 21:20

Iwe, kopwe liosu efoch ekewe al pwe ewe ketilas epwe tongeni tori Rapa ewe telinimwen chon Amon. Kopwe pwal liosu efoch, pwe epwe tongeni tori Jerusalem lon ewe fanü Juta, ewe telinimw mi pöchökül tittin.

Amos 1:14

Iei mine üpwe aküw eu ekkei pwe epwe kenala tittin ewe telinimw Rapa me an kewe imwen maun mi pöchökül. Epwe wor arükak lon ewe ränin maun, nge ewe maun epwe usun chök eu mölümöl.

Numperis 21:32

Mürin, Moses a tinala chon op pwe repwe operi ewe telinimw Jaser. Iwe, ekewe chon Israel ra liapeni ewe telinimw me wisoposopun kewe o asüela ekewe chon Amor mi nonom ikenan.

Numperis 32:35

Arotsofan, Jaser, Jokpeha,

Tuteronomi 2:19

Nge lupwen kopwe arap ngeni kiännin fanüen chon Amon, kosap öpünüpün ngeniir ika maun ngeniir, pun üsap ngonuk och seni fanüer pwe kopwe fanüeni. Pun üa ngeni ekewe chon Amon ir ekewe mwirimwirin Lot ewe fanü pwe fanüer.’”

Tuteronomi 3:11

(Iwe, Ok ewe kingen Pasan amüchülan me lein ekewe chon Refa mi chüen manau. An peet a för seni mächä ükükün langataman engol me ülüngat fiit, nge chölapan ükükün wonu fiit, a kaük won än aramas aükük. Ewe peet a chüen nom lon Rapa ewe telinimwen chon Amon.)

Josua 13:11

Ra pwal fanüeni Kiliat me ewe fanüen chon Kesur me chon Makat, unusen ewe chuk Hermon me unusen Pasan tori Saleka.

Josua 13:24

Iwe, Moses a pwal ngeni chon ewe ainangen Kat fanüer a aükük ngeni ükükün ar kewe famili.

Josua 13:26

pwal seni Hespon tori Rammat-mispa me Petonim, seni Mahanaim tori kiännin ewe telinimw Tepir.

Josua 21:39

Hespon me Jaser, pwal ekewe fanü ünükür fän iten nöür man, ükükün rüanü telinimw.

Soukapwüng 5:17

Chon ewe ainangen Kat ra chök nonom peliötiuen ewe chanpupu Jortan. Nge pwota chon ewe ainangen Tan ra chök nonom ren ekewe sip? Pwal chon ewe ainangen Aser ra chök nonom aroset lon ekewe lenien ilen sip.