Josua 13:22 - Chuukese Bible

²² Iwe, pwal Palaam nöün Peor we mwän ewe soupwe a fitilong lein chokewe ekewe aramasen Israel ra niela.

Josua 13:22 Iomraidhean Croise

Numperis 23:23

Pun esap wor och pöüt ika och rong epwe küw ekewe chon Israel o afeiengaueer. Lon ei fansoun repwe apasa usun ekewe aramasen Israel, ‘Nengeni mine Kot a föri fän iter.’

Numperis 24:1

Iwe, lupwen Palam a silei, pwe mochenin ewe Samol mi Lapalap pwe Israel epwe feiöch, esap feila pwe epwe föri och asisil usun me mwan, nge a newenewen ngeni ewe fanüapö.

Numperis 24:14

Iei üpwe liwinla ren aramasei kewe. Nge üpwe asile ngonuk mine ekewe aramasen Israel repwe föri ngeni noum aramas lon ekan rän mwach.”

Numperis 31:8

Ra pwal achu ngeni niier kewe ekewe limman king seni Mitian iter Efi, Rekem, Sur, Hur me Repa. Ra pwal niela Palam nöün Peor we mwän.

Josua 13:23

Iwe, ewe chanpupu Jortan kiännin fanüen ekewe aramasen Rupen me pelilotou. Iei fanüen chon ewe ainangen Rupen fiti ar kewe telinimw me wisoposopur a aükük ngeni ükükün ar kewe famili.

2. Petrus 2:15

Ra tokola seni ewe al mi wenechar o mwalechela. Ra apirü föförün Palam nöün Peor we mi echeni ewe moni epwe angei seni an föri mine a ngau,

Jutas 1:11

Epwe ifan me watten feiengauer! Ra manaueni manauen Kain. Ra atolongeer lon ewe sokun ruongau Pileam a föri fän iten ar repwe angei moni. Ra ü ngeni Kot usun chök Kora, iwe, repwe rosola usun chök i.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 2:14

Nge mi wor ekoch mettoch üpwe pölüenuk won: A wor reöm ekoch ra aleasochis ngeni aitien Palam, ätewe mi aiti ngeni Palak usun an epwe emweni ekewe aramasen Israel ngeni tipis ren an pese ngeniir, pwe repwe mongö föten uluulun anümwäl o repwe pwal föri föförün lisowu.