Josua 13:17 - Chuukese Bible

¹⁷ me Hespon fiti wisoposopun kewe meinisin mi nom lon ewe fanü mi sonosonöch, pwal ekewe telinimw Tipon, Pamot-paal me Pet-paalmeon,

Josua 13:17 Iomraidhean Croise

1. Kronika 5:8

me Pela nöün Asas we mwän, Asas nöün Sema, nge Sema nöün Joel. Ätekei ra nonom lon ewe fanü seni Aroer tori Nepo me Paal-meon.

Nehemia 11:25

Ikkei ekewe telinimw me ekewe tanipi ünükür, ekoch chon ewe ainangen Juta ra nonom lon: Kiriat-arapa, Tipon me Jekapsel fiti wisoposopur kewe.

Jeremaia 48:18

Ämi chon Tipon, oupwe sapwilitiu seni leniemi mi iteföüla o mot won pwül mi sangang. Pun ewe chon atai Moap a feito o ataela ämi kewe imwen maun mi pöchökül.

Jeremaia 48:21

Kapwüng a feito won ekewe telinimw lon ewe maasies, won Holon, Jasa me Mefat,

Jeremaia 48:23

won Kiriat-aim, Petkamul me Petmeon,

Jeremaia 48:8

Ewe chon kata epwe feito won iteiten telinimw, nge esap wor eu epwe tiwewu. Ewe lemol epwe tatakis, nge ewe maasies epwe tala usun ngang ewe Samol mi Lapalap üa fen kapas.

Isikiel 25:9

Iei mine üpwe asöönü ewe fanü Moap, pwe epwe tala an kewe telinimw mi nom lekiännin meinisin mi epeti sounfiu ar repwe tolong, pwal ekewe telinimw mi ling lon iter Petesimot, Paalmeon me Kiriataim.

Numperis 21:19

Iwe, ra sai seni Matana tori Nahaliel, nge seni Nahaliel tori Pamot.

Numperis 21:26

Pun Hespon telinimwen Sihon ewe kingen chon Amor, ätewe mi maun ngeni ewe minen lomun kingen Moap o liapeni fanüan meinisin tori ewe chanpupu Arnon.

Numperis 21:30

Nge iei sia aroserela seni Hespon tori Tipon, pwal tori Nofa me Metepa.”

Numperis 22:41

Nge sorotän ewe rän Palak a emwenato Palam won ewe chuk Pamot-paal, ia a tongeni küna me ie eu kinikinin ewe mwichen chon Israel.

Numperis 32:38

Nepo me Paalmeon, nge ra siwili iter. Ra pwal aüsefälietä Sipma. Iwe, ra aitasefäli ekewe telinimw ra aüsefäliretä.

Josua 13:16

Iei kinikinin fanüer seni Aroer mi nom lepökütiwen ewe lemolun Arnon, pwal ewe telinimw mi nom lukalapen ewe lemol me unusen ewe fanü mi sosonöch tori Metepa

Josua 13:18

Jahas, Ketemot me Mefaat,

Josua 14:3

Pun Moses a fen ngeni ekewe ruu esop ainang fanüer ötiuen ewe chanpupu Jortan.

Josua 18:7

Nge esap wor kinikinin fanüen chon ewe ainangen Lefi me leimi, pun ewe wisen souasor ngeni ewe Samol mi Lapalap iei wiser. Nge chon ekewe ainangen Kat me Rupen pwal esopun ewe ainangen Manasa ra fen angei fanüer me peliötiuen ewe chanpupu Jortan, Moses nöün ewe Samol mi Lapalap chon angang a ngeniir.”

Soukapwüng 11:26

Lon ükükün ülüpükü ier ekewe aramasen Israel ra nonom lon Hespon me Aroer me wisoposopur, pwal lon ekewe telinimw meinisin arun ewe chanpupu Arnon. Pwota kosap angeesefäli ekewe fanü lon ena fansoun?