Josua 13:15 - Chuukese Bible

¹⁵ Iwe, Moses a ngeni chon ewe ainangen Rupen fanüer a aükük ngeni ükükün ar kewe famili.

Josua 13:15 Iomraidhean Croise

Keneses 35:23

Iwe, a wor engol me ruoman nöün Jakop mwän. Iwe, nöün me won Lea: Rupen nöün Jakop we mwänichi, Simeon, Lefi, Juta, Isakar me Sepulon.

Ekistos 6:14

Ikkei ir mwänirelan ar kewe cho. Nöün Rupen kewe mwän ewe mwänichien nöün Israel: Hanok, Pallu, Hesron me Karmi. Ätekei ir än ar kewe cho lewo mi iteni iter.

Isikiel 48:6

Ünükün ewe fanü Efraim, seni lepelian me ötiu tori lepelian me lotou, Rupen epwe fanüeni eu kinikin.

Josua 13:14

Iwe, Moses esap ngeni chon ewe ainangen Lefi eu fanü pwe repwe fanüeni. Nge repwe angei inetir seni ekewe asor aramas ra uwato pwe repwe kek fän iten ewe Samol mi Lapalap ewe Koten Israel, pun iei usun Kot a fen kapas ngeni Moses.

Josua 13:16

Iei kinikinin fanüer seni Aroer mi nom lepökütiwen ewe lemolun Arnon, pwal ewe telinimw mi nom lukalapen ewe lemol me unusen ewe fanü mi sosonöch tori Metepa

Josua 22:4

Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.

Soukapwüng 11:20

Nge Sihon esap lükülük ren chon Israel ar repwe pwerela lon fanüan. Iei mine a amwichafengeni nöün sounfiu meinisin, ra feila o nonom Jahas o maun ngeni chon Israel.