Josua 12:5 - Chuukese Bible

⁵ A nemeni ewe chuk Hermon me Saleka me unusen ewe fanü Pasan tori kiännin fanüen chon Kesur me chon Makat, pwal esopun Kiliat tori kiännin fanüen Sihon ewe kingen Hespon.

Josua 12:5 Iomraidhean Croise

2. Samuel 13:37

Nge Apsalom a sü o feila ren Talmai nöün Amihut we mwän ewe kingen Kesur. Iwe, Tafit a kechüeiti Amnon nöün we mwän iteiten rän.

2. Samuel 15:8

Pun ngang noum we chon angang üa eäni eu pwon, lupwen üa nom Kesur lon Siria o apasa: Are ewe Samol mi Lapalap epwe wesewesen aliwinisefäliei ngeni Jerusalem, üpwe fel ngeni ewe Samol mi Lapalap lon Hepron.

2. Samuel 23:34

Elifelet nöün Ahaspai seni Maaka, Eliam nöün Ahitofel we mwän seni Kilo,

2. Samuel 3:3

Iten aruomanün Chileap, a nöüni me won Apikael piin pwülüen mä we Napal seni Karmel. Iten aülümanün Apsalom, a nöüni me won Maka, nge Maka nöün Talmai we fefin, ewe kingen Kesur.

2. King 25:23

Nge lupwen ekewe meilap me nöür kewe sounfiun Juta mi op lemäl ra rong, pwe ewe kingen Papilon a seikätä Ketalia pwe epwe kepina, ra feito meinisin ren Ketalia lon Mispa. Ikkei iten ekewe meilap: Ismael nöün Netania, Johanan nöün Karea, Seraia nöün Tanumet seni Netofat, me Jasania seni Maka.

1. Kronika 5:11

Iwe, chon ewe ainangen Kat ra nonom peliefengin fanüen chon ewe ainangen Rupen me lon ewe fanü Pasan atowura ngeni Saleka:

Jeremaia 40:8

Ikkei iten ekewe meilap: Ismael nöün Netania we mwän, Johanan nöün Karea we, Seraia nöün Tanumet, nöün Efai kewe ewe re Netofa me Jesania nöün eman re Maka. Irfengen me nöür kewe sounfiu ra feila ren Ketalia mi nom Mispa.

Tuteronomi 3:14

Iwe, Jair seni ewe ainangen Manasa a liapeni unusen ewe fanü Arkop, iei ewe fanü Pasan tori kiännin fanüen chon Kesur me chon Makat. Iwe, a aita ngeni ekewe sop Hawot-jair püsin itan we. Iei usun ra chüen iteni tori ikenai.)

Josua 11:3

Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.

Josua 12:1

Iwe, ekewe aramasen Israel ra fen liapeni o fanüeni ewe fanü ötiuen ewe chanpupu Jortan seni ewe lemolun Arnon tori ewe chuk Hermon, pwal unusen ewe lemolun Jortan me peliötiu. Ra pwal akufu kingen ekei fanü.

Josua 13:11

Ra pwal fanüeni Kiliat me ewe fanüen chon Kesur me chon Makat, unusen ewe chuk Hermon me unusen Pasan tori Saleka.

1. Samuel 27:8

Iwe, Tafit me nöün kewe aramas ra feila o tolong lon fanüen chon Kesur, chon Kirsi me chon Amalek. Pun seni me lom ir ra nonom lon ewe fanü tori Sur, pwal tori ewe fanü Isip.