Josua 12:2 - Chuukese Bible

² Ra akufu Sihon ewe kingen chon Amor mi nom lon Hespon. A nemeni ewe fanü seni Aroer mi nom lepökütiwen ewe lemolun Arnon, pwal ewe telinimw lukalapen ewe lemol tori ewe chanpupu Japok kiännin fanüen chon Amon. Iei esopun Kiliat.

Josua 12:2 Iomraidhean Croise

Keneses 32:22

Iwe, lon ewe chök pwinin Jakop a pwätä o angei pwülüan kewe ruoman me nöün kewe ruoman chon angang fefin pwal nöün kewe engol me eman ät. Iwe, ra feila pekilan ewe chanpupu Jappok.

1. Kronika 5:8

me Pela nöün Asas we mwän, Asas nöün Sema, nge Sema nöün Joel. Ätekei ra nonom lon ewe fanü seni Aroer tori Nepo me Paal-meon.

Nehemia 9:22

Ka atolonga ekewe mwü me aramasen lor fän nemeniir, ka pwal afanüa ngeniir fanüer kewe meinisin. Iei mine ra fanüeni fanüen Sihon ewe kingen Hespon me fanüen Ok ewe kingen Pasan.

Kölfel 135:11

A niela Sihon ewe kingen chon Amor, pwal Ok ewe kingen Pasan me ekewe kingen Kanaan meinisin,

Jeremaia 48:19

Ämi chon Aroer, oupwe ütä ünükün ewe al o katol. Oupwe aisini ekewe mwän me ekewe fefin mi sü, ‘Met a fis?’

Tuteronomi 1:4

Ei a fis mürin an akufu Sihon ewe kingen chon Amor mi nemenem lon Hespon, pwal Ok ewe kingen Pasan mi nemenem lon Astarot me Etrei.

Soukapwüng 11:13

Iwe, ewe kingen chon Amon a üreni nöün Jefta kewe chon künö, “Lupwen chon Israel ra feito seni Isip, ra angei fanüei seni ewe chanpupu Arnon tori ewe chanpupu Japok, pwal tori ewe chanpupu Jortan. Iei mine oupwe aliwini ewe fanü fän kinamwe.”

Soukapwüng 11:22

Iwe, ra liapeni o fanüeni unusen fanüen ekewe chon Amor seni ewe chanpupu Arnon mi nom ör tori ewe chanpupu Japok mi nom efeng, pwal seni ewe fanüapö mi nom ötiu tori ewe chanpupu Jortan mi nom lotou.