Josua 12:1 - Chuukese Bible

¹ Iwe, ekewe aramasen Israel ra fen liapeni o fanüeni ewe fanü ötiuen ewe chanpupu Jortan seni ewe lemolun Arnon tori ewe chuk Hermon, pwal unusen ewe lemolun Jortan me peliötiu. Ra pwal akufu kingen ekei fanü.

Josua 12:1 Iomraidhean Croise

1. King 4:19

Keper nöün Uri we mwän a nemeni ewe fanü Kiliat fanüen Sihon ewe kingen chon Amor, pwal fanüen Ok ewe kingen Pasan. Keper i chök kepina lon unusen ei fanü.

Kölfel 133:3

A pwal usun chök amurenipwinin ewe chuk Hermon, a püngütiu won ekewe chukun Sion. Pun ikenan ewe Samol mi Lapalap a anomu an feiöch, ewe manau esemüch.

Kölfel 136:21

A ngeni chon Israel fanüer pwe repwe fanüeni, an tong ellet a nonom tori feilfeilachök,

Kölfel 89:12

En ka förätä efeng me ör. Ekewe chuk Tapor me Hermon ra mwareituk fän pwapwa.

Aisea 16:2

Ekewe chon Moap mi nom lepetepeetin ewe chanpupu Arnon ra usun chök machang mi äsfeil, pwal usun chök apanen machang ra turuwu seni lon faser.

Numperis 21:13

Mürin ra pwal sai seni ikenan o aüetä imwer lon ewe fanüapö efengin ewe chanpupu Arnon chöülan ewe fanüen chon Amor. Pun ewe chanpupu Arnon kiän lefilen Moap me chon Amor.

Numperis 21:21

Mürin, ekewe chon Israel ra tinala chon künö ren Sihon ewe kingen Amor pwe repwe üreni,

Numperis 21:24

Nge ekewe chon Israel ra niela Sihon me chomong nöün sounfiu o liapeni fanüan seni ewe chanpupu Arnon tori ewe chanpupu Japok. Nge ra chök tori kiännin fanüen chon Amon, pun a pöchökül tittin kiännin.

Numperis 32:19

Äm aisap angei och fanü seniir pekilan ewe chanpupu Jortan. Pun aia fen angei inetim fanü me ötiuen ei chanpupu Jortan.”

Numperis 32:32

Äm aipwe feila pekilan ewe chanpupu Jortan o tolong lon ewe fanü Kanaan fän emwenien ewe Samol mi Lapalap pwe aipwe maun. Nge inetim fanü epwe chök nom rem ötiuen ewe chanpupu Jortan.”

Numperis 32:33

Mürin, Moses a ngeni chon ekewe ainangen Kat me Rupen, pwal ngeni ewe esopun ewe ainangen Manasa nöün Josef we mwän ewe mwün Sihon ewe kingen chon Amor me ewe mwün Ok ewe kingen Pasan, unusen ewe fanü me telinimwan meinisin fiti ekewe leni ünükür.

Tuteronomi 2:24

“Mürin, ewe Samol mi Lapalap a üreniei, ‘Iei kopwe ütä o sai. Kopwe pwerela pekilan ewe lemolun Arnon. Nengeni, üa atolonga fän nemeniom Sihon ewe re Amor, kingen Hespon, fiti fanüan. Kopwe maun ngeni o popuetä le fanüeni fanüan.

Tuteronomi 2:32

Mürin, Sihon me nöün sounfiu meinisin ra towu pwe repwe maun ngenikich me arun ewe telinimw Jahas.

Tuteronomi 3:1

“Mürin sa kul o feila won ewe al a ale ngeni Pasan. Iwe, Ok ewe kingen Pasan me nöün sounfiu meinisin ra towu pwe repwe maun ngenikich me arun ewe telinimw Etrei.

Tuteronomi 4:44

Iwe, ikkei ekewe allük Moses a ngeni ekewe aramasen Israel.

Tuteronomi 4:46

o nonom lon ewe lemol ötiuen ewe chanpupu Jortan sasape ngeni Pet-peor lon fanüen Sihon ewe kingen chon Amor mi nemenem lon Hespon. Iwe, Moses me ekewe aramasen Israel ra akufu Sihon, lupwen ra towu seni Isip.

Tuteronomi 4:48

Iwe, fanüer a popuetä seni Aroer mi nom ünükün lemolun ewe chanpupu Arnon o tori ewe chuk Sirion, a pwal iteni Hermon.

Josua 1:15

tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 11:17

Iei ükükün ewe fanü seni ewe chuk Halak mi nom ör arap ngeni Etom tori Paal-kat mi nom efeng lon ewe lemolun Lepanon fäsonun ewe chuk Hermon. Iwe, a liapeni kingen ekewe fanü o nirela.

Josua 11:3

Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.

Josua 13:8

Iwe, ewe esopun ainangen Manasa me chon ekewe ainangen Rupen me Kat ra fen angei fanüer me ren Moses pekilan ewe chanpupu Jortan me peliötiuan, usun Moses nöün ewe Samol mi Lapalap we chon angang a fen ineti ngeniir.

Josua 22:4

Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.

Soukapwüng 11:18

Mürin ra sai lemenen ewe fanüapö o pwelila lükün ewe fanü Etom me ewe fanü Moap. Ra feila peliötiuen ewe fanü Moap o aüetä imwer lepekin ewe chanpupu Arnon me epek, nge resap tolong lon ewe fanü Moap, pun ewe chanpupu Arnon kiännin fanüen chon Moap.