Josua 11:9 - Chuukese Bible

⁹ Iwe, Josua a föri ngeniir usun mine ewe Samol mi Lapalap a allük ngeni. A pökü selin pechen nöür kewe oris o kenala war kewe woken.

Josua 11:9 Iomraidhean Croise

Keneses 49:6

Üsap eti ämi mwichen pwüngüpwüng, üsap pwal choni ämi mwich. Pun lon ämi song oua niela mwän, oua pwal pwapwaiti le sorongauei ätemwänin kow.

2. Samuel 8:4

Tafit a liapeni seni Hatateser ükükün engeröü füpükü chon wawa oris me rüe ngeröü sounfiu mi fetal. A pwal pökü selin pechen ekewe oris meinisin mi nukunuk woken, nge a likiti ekoch oris fän iten ükükün ipükü woken.

Kölfel 46:10

A apasa, “Oupwe emwen le maun, oupwe silei pwe ngang echök Kot. Ngang üa tekia seni chon ekewe mwü, ngang üa tekia won fanüfan.”

Nahum 2:13

Iei alon ewe Samol mi Unusen Manaman, “Ngang üa ü ngonuk, Ninifa. Ngang üpwe kenala waom kewe wokenin maun. Noum kewe sounfiu repwe mäla lon maun. Üpwe angei senuk liapom kewe ka angei seni chon fanüfan, nge esap chüen wor eman epwe rong mwelien noum kewe chon künö.”

Josua 11:6

Nge ewe Samol mi Lapalap a üreni Josua, “Kosap niuokusitiir, pun iei otun lesor üpwe atolongeer meinisin lepöün chon Israel, nge ir mei mä. Kopwe pökü selin pechen nöür kewe oris o kenala war kewe woken.”