Josua 11:8 - Chuukese Bible

⁸ Iwe, ewe Samol mi Lapalap a awinna chon Israel, pwe ra akufuur o tapweriir tori Sitonlap me Misrefot-maim, pwal tori ewe lemolun Mispa mi nom ötiu. Iwe, ra nirela meinisin tori esap chüen wor eman mi manau.

Josua 11:8 Iomraidhean Croise

Keneses 10:15

Iwe, Kanaan semen Siton nöün we mwänichi me Het.

Keneses 49:13

Sepulon, kopwe nonom aroset, nge arosetum epwe wiliti eu nomun ilen sip, kiännin fanüom epwe tori arun Siton.

2. Samuel 24:6

Mürin ra tori Kiliat pwal tori Kates lon fanüen chon Hit, ra pwal tori Tan. Nge seni Tan ra pwelila tori Siton,

Aisea 23:4

Kopwe itengau, Siton en telinimwen lematau mi pöchökül, pun ewe matau a apasa, “Üsap cheuchen fam, üsap pwal nöünöü. Üsap foleni alüal, üsap pwal foleni föpwül.”

Sekaraia 9:2

Kot a pwal eäni kapasen apwüng ngeni Hamat mi nom won kiännin Hatrak, pwal ngeni ekewe telinimw Tirus me Siton, inamwo ika ir ra fokun tipachem.

Tuteronomi 7:2

Iwe, lupwen ewe Samol mi Lapalap ämi we Kot epwe atolongeer lepöümi, nge ämi oua akufuur, oupwe fokun aroserela meinisin. Ousap föri eu pwon ngeniir, ousap pwal ümöümöch ngeniir.

Tuteronomi 9:3

Iei mine oupwe silei ikenai pwe ewe Samol mi Lapalap ämi we Kot a akomwola mwemi usun chök eu ekkei mi kü. Iwe, epwe akufuur o nirela me mwemi, nge ämi oupwe asürela o müttir aroserela, usun ewe Samol mi Lapalap a pwon ngenikemi.

Josua 10:20

Iwe, Josua me ekewe re Israel ra nirela o aroserela, chilon chök ekoch mi süri ekewe telinimw mi tit.

Josua 11:3

Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.

Josua 11:7

Iwe, Josua me nöün kewe sounfiu meinisin ra aserengaueer me arun ewe kolukun Merom o maun ngeniir.

Josua 13:6

pwal ekewe fanüen chon Siton meinisin mi chukuchukutä lefilen Lepanon me Misrefot-maim. Ngang üpwe püsin asüela me mwen ekewe aramasen Israel chon ekewe fanü meinisin. Nge kopwe chök ineti ewe fanü ngeni ekewe chon Israel pwe repwe fanüeni, usun üa fen allük ngonuk.

Josua 19:28

Epron, Rehop, Hamon me Kana tori Sitonlap.

Josua 21:44

Iwe, ewe Samol mi Lapalap a fang ngeniir kinamwe ekis meinisin, usun a fen pwon ngeni ar kewe lewo. Esap wor eman chon oputeer a tongeni ü ngeniir, pun ewe Samol mi Lapalap a awinner, pwe ra akufu chon oputeer meinisin.