Josua 11:6 - Chuukese Bible

⁶ Nge ewe Samol mi Lapalap a üreni Josua, “Kosap niuokusitiir, pun iei otun lesor üpwe atolongeer meinisin lepöün chon Israel, nge ir mei mä. Kopwe pökü selin pechen nöür kewe oris o kenala war kewe woken.”

Josua 11:6 Iomraidhean Croise

2. Samuel 8:4

Tafit a liapeni seni Hatateser ükükün engeröü füpükü chon wawa oris me rüe ngeröü sounfiu mi fetal. A pwal pökü selin pechen ekewe oris meinisin mi nukunuk woken, nge a likiti ekoch oris fän iten ükükün ipükü woken.

2. King 6:16

Nge Elisa a üreni, “Kosap niuokus, pun chokewe mi nom rech ra kon chomong seni chokewe mi nom rer.”

2. Kronika 20:16

Lesor oupwe feila pwe oupwe maun ngeniir. Repwe feitä won ewe pal mi aletä seni Sis. Oupwe küneer me lesopun ewe lemol ötiuen ewe fanüapön Jeruel.

Kölfel 46:10

A apasa, “Oupwe emwen le maun, oupwe silei pwe ngang echök Kot. Ngang üa tekia seni chon ekewe mwü, ngang üa tekia won fanüfan.”

Kölfel 46:11

Ewe Samol mi Unusen Manaman a etikich, än Jakop we Kot i ach lenien op mi pöchökül.

Kölfel 46:9

A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

Än Salomon Fos 20:7

Eman mi wenechar o föri mine a pwüng, nöün kana ra feiöch.

Aisea 30:16

Oua apasa, ‘Apwi, äm aia mochen sü won oris.’ Iei mine oupwe süla. Oua pwal apasa, ‘Äm aipwe sü won oris mi fokun müttir.’ Iei mine chon tapwerikemi repwe pwal fokun müttir.

Aisea 31:1

Feiengauen chokewe ra kütta alilisir seni Isip. Ra lükülük won oris me woken pokiten chomongur, ra pwal lükülük won chon wawa oris pokiten ra fokun pöchökül, nge resap kütta alilisir me ren ewe Samol mi Lapalap, Ewe mi Pin lon Israel, resap pwal anomu ar apilükülük won.

Isikiel 39:9

“Mürin, chon ekewe telinimwen Israel repwe towu o ionifengeni ekewe pisekin maun pwe repwe eäniir amwüch. Ekewe tittin maun mi watte me kükün, ekewe likapich me föür kewe, ekewe nifötüföt me siles repwe eäniir amwüch lon ükükün fisu ier.

Osea 14:3

Asiria esap tongeni amanauakem, ekewe orisin maun resap tongeni alisikem. Aisap chüen apasa ngeni äm kewe uluulun anümwäl pwe ir äm Kot. Ekewe mi mäsen ra küna ümöümöch me reöm.”

Nahum 2:13

Iei alon ewe Samol mi Unusen Manaman, “Ngang üa ü ngonuk, Ninifa. Ngang üpwe kenala waom kewe wokenin maun. Noum kewe sounfiu repwe mäla lon maun. Üpwe angei senuk liapom kewe ka angei seni chon fanüfan, nge esap chüen wor eman epwe rong mwelien noum kewe chon künö.”

Tuteronomi 7:16

Iwe, oupwe arosala ekewe aramas meinisin ewe Samol mi Lapalap ämi we Kot epwe atolongeer fän nemeniemi. Ousap tongeer, ousap pwal fel ngeni ar kewe kot, pun ei epwe eu lenien likatup ngenikemi.

Josua 10:8

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

Josua 11:5

Iwe, ekei king meinisin ra achufengeni nöür kewe mwichen sounfiu, ra feito o nonomfengen arun ewe kolukun Merom, pwe repwe maun ngeni Israel.

Josua 11:7

Iwe, Josua me nöün kewe sounfiu meinisin ra aserengaueer me arun ewe kolukun Merom o maun ngeniir.

Josua 11:9

Iwe, Josua a föri ngeniir usun mine ewe Samol mi Lapalap a allük ngeni. A pökü selin pechen nöür kewe oris o kenala war kewe woken.

Josua 3:5

Iwe, Josua a üreni ekewe aramas, “Oupwe apinikemi, pun lesor ewe Samol mi Lapalap epwe föri manaman lefilemi.”

Soukapwüng 20:28

nge Pineas nöün Eleasar we mwän, nge Eleasar nöün Aaron mwän, a wisen angang ngeni. Iwe, ekewe aramasen Israel ra aisini, “Ifa usun, äm aipwe feilasefäl o maun ngeni pwim kewe chon Peniamin, ika aipwe emwen?” Nge ewe Samol mi Lapalap a pälüeniir, “Oupwe feila, pun lesor üpwe awinnakemi pwe oupwe akufuur.”

Soukapwüng 7:9

Lon ewe chök pwinin ewe Samol mi Lapalap a üreni Kition, “Kopwe pwätä o feitiu lon lenien chon Mitian pwe kopwe maun ngeniir, pun üpwe föri met kopwe akufuur ren.

1. Samuel 11:9

Mürin ra üreni ekewe chon künö mi feito seni Japes-kiliat, “Iei usun oupwe üreni aramasemi kewe: Lesor, lupwen akkar a tinekeniken, epwe fis ämi ngasala.” Iwe, lupwen ekewe chon künö ra liwin o üreni ekewe re Japes ekei kapas, ra pwapwa.