Josua 11:23 - Chuukese Bible

²³ Iei usun Josua a liapeni unusen ewe fanü fän alon ewe Samol mi Lapalap ngeni Moses. Iwe, Josua a ngeni chon Israel ewe fanü pwe repwe fanüeni lon ükükün inetin eu me eu ainang. Mürin ewe fanü a kinamwe, pun esap chüen wor maun.

Josua 11:23 Iomraidhean Croise

Nehemia 9:24

Iei mine mwirimwirir kewe ra tolong lon ewe fanü o fanüeni. En ka akufu me mwer ekewe chon Kaanan mi nom lon ewe fanü o atolonga fän nemenier ar kewe king me aramasen ewe fanü, pwe repwe tongeni föri ngeniir usun ar mochen.

Kölfel 46:9

A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

Ekistos 34:11

Oupwe aleasochisi mine üa allük ngenikemi ikenai. Üpwe asüela seni me mwemi ekewe chon Amor, chon Kanaan, chon Hit, chon Peris, chon Hiw me chon Jepus.

Isikiel 45:8

Iei ükükün fanüen ewe samol me lon Israel. Iwe, nei kewe samol resap chüen ariaföüü nei aramas, nge repwe mwüt ngeni ekewe ainangen Israel fanüer pwe repwe püsin fanüeni.

Tuteronomi 1:38

Nge Josua nöün Jefune we mwän mi angang ngonuk epwe tolong. Kopwe apöchöküla lelukan, pun epwe atolonga chon Israel lon ewe fanü pwe repwe fanüeni.’

Tuteronomi 25:19

Iei mine, lupwen ewe Samol mi Lapalap ämi we Kot epwe ngenikemi ewe fanü o asösökemi seni chon oputakemi meinisin mi nom ünükümi, oupwe fokun niela ekewe chon Amalek, pwe esap wor eman epwe chüen chechemeniir. Ousap fokun manlükala mine üa ürenikemi.”

Josua 11:18

Josua a maun ngeni ekewe king meinisin fansoun langatam.

Josua 12:7

Iwe, Josua me ekewe aramasen Israel ra akufu ekewe king meinisin mi nom pelilotoun ewe chanpupu Jortan seni Paal-kat mi nom lon ewe lemolun Lepanon tori ewe chuk Halak mi nom ör arap ngeni Etom. Iwe, Josua a ngeni ekewe ainangen Israel fanüer pwe repwe fanüeni lon ükükün en me inetin.

Josua 18:10

Nge Josua a ütti üttier fanü me fän mesen ewe Samol mi Lapalap lon Silo. Mürin a aineti ewe fanü o ngeni eu me eu kewe lusun ainangen Israel inetin.

Josua 22:4

Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.

Josua 23:1

Iwe, a la chomong fansoun mürin än ewe Samol mi Lapalap ngeni chon Israel kinamwe seni chon oputeer mi nom ünükür. Lon ei fansoun Josua a fokun chinlap.