Josua 11:2 - Chuukese Bible

² A pwal titi ekewe king seni ewe fanü mi chukuchukutä mi nom efeng, seni ewe lemolun Jortan örün ewe nomun Kaliläa, seni ewe fanü tekison, pwal seni ewe fanü mi pal itan Tor mi nom lotou.

Josua 11:2 Iomraidhean Croise

1. King 15:20

Iwe, ewe king Penhatat a aüselinga än ewe king Asa tüngor o tinala ekewe meilap me nöür mwichen sounfiu pwe repwe maun ngeni ekewe telinimwen Israel. Iwe, ra liapeni Ion, Tan, Apel-petmaka, pwal unusen ewe fanü Kalilea me unusen ewe fanü Naftali.

1. King 4:11

Pen-apinatap a nemeni unusen ewe fanü Tor. Ätei a pwülüeni Tafat nöün Salomon we fefin.

Numperis 34:11

Iwe, seni Sefam ewe kiä epwe feila tori Ripla peliötiuen Ain o chöüla tori ewe chukuchukutä ötiuen ewe nomun Kenesaret.

Lukas 1:39

Mürin ekoch rän Maria a anükünük o feila fän pacheu ngeni eu telinimw won chukuchukutan ewe fanü Jutea.

Lukas 5:1

Lon eu rän, lupwen Jesus a ütä arun ewe nomun Kalilea, ekewe aramas ra mwicheto o etieti ngeni, pwe repwe rongorong än Kot kapas.

Josua 10:40

Iwe, Josua a liapeni unusen ewe fanü: ewe fanü mi chukuchukutä me ewe fanü Nekep, ewe fanü mi tekison me ewe fanü mi pal, a pwal liapeni ar kewe king. Esap amanaua eman, nge a fokun arosala meinisin, usun ewe Samol mi Lapalap ewe Koten Israel a allük.

Josua 10:6

Nge ekewe chon Kipeon ra titi Josua me lon Kilkal ewe ia a nom ie o üreni, “Kosap asechikeemila äm noum chon angang. Kopwe müttir feito rem, kopwe amanauakem o alisikem. Pun ekewe kingen chon Amor meinisin mi nom lon ewe fanü mi chukuchukutä ra chufengen o maun ngenikem.”

Josua 11:16

Iwe, Josua a liapeni unusen ewe fanü: Ewe fanü mi chukuchukutä me ewe fanü tekison mi nom efeng me ör, unusen ewe fanü Kosen me ewe fanü Nekep pwal ewe lemolun Jortan.

Josua 11:21

Lon ena fansoun Josua a feito o arosala ekewe mwänämong ir mwirimwirin Anak seni ewe fanü mi chukuchukutä, seni Hepron me Tepir, seni Anap me unusen ewe fanü mi chukuchukutä me lon Juta me Israel. Josua a fokun aroserela, a pwal ataala ar kewe telinimw.

Josua 12:23

ewe kingen Tor lon Nafat-tor me ewe kingen Koiim lon Kaliläa

Josua 12:3

A pwal nemeni ewe lemolun Jortan tori ewe nomun Kaliläa me peliötiu, fetal ngeni Pet-jesimot, pwal tori ewe Setin Mäla ator ngeni fäsonun ewe chuk Piska me peliör.

Josua 13:27

Ra pwal eäni ekewe telinimw lon ewe lemolun Jortan iter Pet-haram, Pet-nimra, Sukkot me Safon, pwal lusun ewe mwün Sihon ewe kingen Hespon. Nge kiännin fanüer me pelilotou ewe chanpupu Jortan, ator ngeni ewe nomun Kaliläa me peliefeng.

Josua 17:11

Iwe, a pwal wor än Manasa telinimw lon fanüen Isakar me Aser iter: Pet-sean me Ipleam fiti wisoposopur, pwal ekewe telinimw Tor me Entor, Taanak me Mekito fiti chor me wisoposopur, pwal eu leülüngatin ewe fanü Nafat.

Soukapwüng 1:27

Iwe, chon ewe ainangen Manasa resap asüela chon ewe telinimw Pet-sean, Taanak, Tor, Ipleam me Mekito pwal chon wisoposopur meinisin. Pun ekewe chon Kanaan mi nonom lon ewe fanü ra chök amwöchümwöchütiu lon.