Josua 11:15 - Chuukese Bible

¹⁵ Usun mine ewe Samol mi Lapalap a allük ngeni nöün we chon angang Moses, iei usun Moses a allük ngeni Josua. Nge Josua esap likiti och, pwe a föri meinisin mine ewe Samol mi Lapalap a allük ngeni Moses.

Josua 11:15 Iomraidhean Croise

2. Kronika 30:12

Nge Kot a pwal angang lon letipen chon Juta, pwe ra tipeeufengen o aleasochisi mine ewe king me ekewe nöüwis ra eäni allük fän alon ewe Samol mi Lapalap.

Numperis 33:50

Iwe, ewe Samol mi Lapalap a kapas ngeni Moses me lon ekewe maasiesin Moap arun ewe chanpupu Jortan sasape ngeni Jeriko,

Numperis 33:52

oupwe asüela me mwemi chon ewe fanü meinisin. Oupwe ataela ar kewe uluulun anümwäl seni fau ika seni mächä meinisin, oupwe pwal atatakisi ar kewe lenien fel won ekewe leni tekia meinisin.

Mateus 23:23

Feiengauemi, ämi Sensen Allük me Farisi! Ämi chon likatuputup! Oua ngeni Kot eu leengolun seni ämi irän nofitin mongö mi annö iter mint, dill me kumin. Nge ousap aleasochis ngeni ekewe allük mi fokun aüchea usun pwüng, kirikiröch me allükülük. Ekei allük oupwe fokun apwönüretä, nge ousap pwal tümwününgau ngeni ekewe ekoch.

Lukas 11:42

“Feiengauemi, ämi Farisi! Oua ngeni Kot leengolun ämi nofitin mongö usun chök mint me warung me sokopaten chön irä, nge oua tümwününgau ngeni pwüngüöch me ämi echeni Kot. Oupwe föri ekewe, nge oupwe pwal tümwünüöchü ekei.

Föför 20:20

Oua silei pwe üsap amwöchü och mine epwe alisikemi lupwen üa afalafalakemi o aiti ngenikemi ewe pworaus usun ewe Samol Jesus lon mwichen aramas pwal lon en me imwan.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

Tuteronomi 12:32

Iwe, oupwe tümwünüöchü le föri meinisin mine üa allük ngenikemi. Ousap apacha och ngeni ika angei och seni.

Tuteronomi 31:3

Iwe, ewe Samol mi Lapalap ämi we Kot epwe püsin feila mwemi pekila. Epwe arosala chon ekei mwü me mwemi, pwe oupwe angei seniir fanüer. Nge Josua epwe emwenikemi usun ewe Samol mi Lapalap a fen apasa.

Tuteronomi 31:5

Ewe Samol mi Lapalap epwe atolongeer lepöümi, nge ämi oupwe föri ngeniir ükükün meinisin mine üa allük ngenikemi.

Tuteronomi 31:7

Mürin, Moses a körato Josua o kapas ngeni me fän mesen ekewe chon Israel meinisin, “Kopwe apöchökülok o tipepwora. Pun en kopwe emweni ekei aramas le tolong lon ewe fanü ewe Samol mi Lapalap a pwon fän akapel ngeni ar kewe lewo pwe epwe ngeniir. Kopwe pwal ainet ngeniir ewe fanü o afanüeer.

Tuteronomi 4:2

Ousap apachätä och ngeni ekewe kapas üa allük ngenikemi, ousap pwal aimwü och seni. Iwe, oupwe aleasochis ngeni ekewe allük än ewe Samol mi Lapalap ämi we Kot, usun üa allük ngenikemi.

Tuteronomi 4:5

Nengeni, üa aiti ngenikemi ekewe allük me pwüüng usun ewe Samol mi Lapalap ai we Kot a allük ngeniei, pwe oupwe apwönüretä lon ewe fanü ämi oupwe le tolong lon pwe oupwe fanüeni.

Tuteronomi 7:2

Iwe, lupwen ewe Samol mi Lapalap ämi we Kot epwe atolongeer lepöümi, nge ämi oua akufuur, oupwe fokun aroserela meinisin. Ousap föri eu pwon ngeniir, ousap pwal ümöümöch ngeniir.

Josua 1:7

Kopwe chök apöchökülok o tipepwora, kopwe pwal tümwünüöchü om kopwe apwönüetä ekewe allük meinisin Moses nei we chon angang a allük ngonuk. Kosap fokun aleasolap ngeniir, pwe kopwe fefeitä lon meinisin mine kopwe föri.

Josua 11:12

Iwe, Josua a liapeni ekewe telinimw me ar kewe king meinisin, a niela aramasen lor o fokun aroserela, usun Moses nöün ewe Samol mi Lapalap we chon angang a fen allük.

Josua 11:14

Ekewe chon Israel ra angei mine ra liapeni me lon ekewe telinimw pwal ekewe pwiin man pwe choon wokur. Nge ekewe aramas meinisin ra nirela. Resap fokun amanaua eman.

Josua 11:16

Iwe, Josua a liapeni unusen ewe fanü: Ewe fanü mi chukuchukutä me ewe fanü tekison mi nom efeng me ör, unusen ewe fanü Kosen me ewe fanü Nekep pwal ewe lemolun Jortan.

1. Samuel 15:11

“Üa lamalamala ren ai seikätä Saul pwe epwe king, pun a kul seniei o aleasolap ngeni ai kewe allük.” Iwe, Samuel a riaföü o siö ngeni ewe Samol mi Lapalap lon unusen ewe pwin.