Josua 10:6 - Chuukese Bible

⁶ Nge ekewe chon Kipeon ra titi Josua me lon Kilkal ewe ia a nom ie o üreni, “Kosap asechikeemila äm noum chon angang. Kopwe müttir feito rem, kopwe amanauakem o alisikem. Pun ekewe kingen chon Amor meinisin mi nom lon ewe fanü mi chukuchukutä ra chufengen o maun ngenikem.”

Josua 10:6 Iomraidhean Croise

2. King 4:24

Mürin, neminewe a rietä ewe lenien mot won ewe aas o üreni nöün chon angang, “Kopwe amüttiri ewe aas, nge kosap amanga tori üpwe ürenuk.”

Kölfel 125:2

Usun ekewe chuk ra nom pwelin ünükün Jerusalem, iei usun ewe Samol mi Lapalap a nom pwelin ünükün nöün aramas seni ei fansoun tori feilfeilachök.

Aisea 33:22

Iwe, ewe Samol mi Lapalap ach souapwüng, ewe Samol mi Lapalap ach sounemenem, ewe Samol mi Lapalap ach king, i epwe amanauakich.

Numperis 13:29

Ekewe chon Amalek ra nonom lon ewe fanü Nekep. Iwe, ekewe chon Hit, chon Jepus me chon Amor ra nonom lon ewe fanü mi chukuchukutä, nge ekewe chon Kanaan ra nonom aroset me aropen ewe chanpupu Jortan.”

Lukas 1:39

Mürin ekoch rän Maria a anükünük o feila fän pacheu ngeni eu telinimw won chukuchukutan ewe fanü Jutea.

Tuteronomi 1:15

Iei usun üa angei ekewe mwänirelan ämi ainang mi mirit o mwokos o anomuur womi, pwe ekoch repwe nemenem won ngeröü me pükü, ekoch won lime me engol, nge ekoch repwe meilapen ämi kewe ainang.

Josua 10:5

Mürin, ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon, ir ekewe limman kingen chon Amor, ra amwichafengeni nöür sounfiu meinisin o feila Kipeon, ra pwelifeili ewe telinimw o maun ngeni.

Josua 10:7

Iei mine Josua a feitä seni Kilkal, ir me ekewe sounfiu meinisin fiti ekewe mi pwora o pöchökül.

Josua 21:11

Iwe, ra ngeniir ewe telinimw än Arpa. (Ewe mwän Arpa semen Anak.) Iei ewe telinimw a iteni Hepron, a nom won chukuchukutän ewe fanü Juta. Ra pwal ngeniir ewe fanü ünükün fän iten nöür man.

Josua 5:10

Iwe, lupwen ekewe aramasen Israel ra nom lon Kilkal, ra föri ewe Pasofer lekuniolun ewe engol me rüanün ränin ewe maram lon ewe maasiesin Jeriko.

Josua 9:15

Iwe, Josua a föri eu pwonen atipeeu ngeni ekewe re Kipeon pwe epwe amanaueer. Nge ekewe souemwenin ewe mwichen Israel ra pwon fän akapel ngeniir pwe repwe apwönüetä ewe pwon.

Josua 9:6

Iwe, ra feila ren Josua lon ewe leni ia chon Israel ra nonom ie me lon Kilkal. Ra üreni Josua me ekewe re Israel, “Äm aia feito seni fanü toau pwe aipwe tüngor ngenikemi pwe sipwe eäni eu pwonen atipeeufengen.”

Josua 9:8

Iwe, ra üreni Josua, “Äm aipwe noum chon angang.” Nge Josua a aisiniir, “Ämi chon ia? Ia oua feito me ie?”