Josua 10:5 - Chuukese Bible

⁵ Mürin, ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon, ir ekewe limman kingen chon Amor, ra amwichafengeni nöür sounfiu meinisin o feila Kipeon, ra pwelifeili ewe telinimw o maun ngeni.

Josua 10:5 Iomraidhean Croise

Keneses 15:16

Iwe, lon arüanün tettel mwirimwirum kewe repwe liwinsefälito ikei, pun esamwo tori otun ai üpwe apwüngü än ekewe chon Amor föföringau.”

Jeremaia 34:7

lupwen nöün ewe kingen Papilon mwichen sounfiu a maun ngeni Jerusalem me ekewe lusun telinimwen Juta iter Lakis me Aseka. Pun ikkei chök ekewe telinimwen Juta mi pöchökül tittir ra chüen nom.

Numperis 13:29

Ekewe chon Amalek ra nonom lon ewe fanü Nekep. Iwe, ekewe chon Hit, chon Jepus me chon Amor ra nonom lon ewe fanü mi chukuchukutä, nge ekewe chon Kanaan ra nonom aroset me aropen ewe chanpupu Jortan.”

Josua 10:16

Iwe, ekewe limman king ra süla o op lon ewe fööimw lon Maketa.

Josua 10:6

Nge ekewe chon Kipeon ra titi Josua me lon Kilkal ewe ia a nom ie o üreni, “Kosap asechikeemila äm noum chon angang. Kopwe müttir feito rem, kopwe amanauakem o alisikem. Pun ekewe kingen chon Amor meinisin mi nom lon ewe fanü mi chukuchukutä ra chufengen o maun ngenikem.”

1. Samuel 7:14

Iwe, ekewe chon Filistia ra aliwini ngeni chon Israel ekewe telinimw ra liapeni seniir lefilen Ekron me Kat. Iei usun ekewe chon Israel ra angeesefäli fanüer mi nom fän nemenien ekewe chon Filistia. A pwal wor kinamwe lefilen chon Israel me chon Amor.