Josua 10:40 - Chuukese Bible

⁴⁰ Iwe, Josua a liapeni unusen ewe fanü: ewe fanü mi chukuchukutä me ewe fanü Nekep, ewe fanü mi tekison me ewe fanü mi pal, a pwal liapeni ar kewe king. Esap amanaua eman, nge a fokun arosala meinisin, usun ewe Samol mi Lapalap ewe Koten Israel a allük.

Josua 10:40 Iomraidhean Croise

1. King 15:29

Iwe, lon ewe otun Paasa a wiseni ewe wisen king, a niela chon leimwen Jeropoam meinisin, esap fokun likiti mwo eman tori a aroserela meinisin, usun nöün Kot we chon angang Ahia ewe re Silo a fen apasa fän alon ewe Samol mi Lapalap.

Nehemia 9:24

Iei mine mwirimwirir kewe ra tolong lon ewe fanü o fanüeni. En ka akufu me mwer ekewe chon Kaanan mi nom lon ewe fanü o atolonga fän nemenier ar kewe king me aramasen ewe fanü, pwe repwe tongeni föri ngeniir usun ar mochen.

Kölfel 9:17

Iwe, ekewe aramasangau repwe fokun feil ngeni mäla, pwal chon ekewe mwü meinisin mi pöütala Kot.

Ekistos 34:12

Iwe, oupwe afälikemi pwe ousap föri eu pwon ngeni chon ewe fanü ia oupwe feila ie, pwe resap wiliti eu lenien likatup ngenikemi.

Numperis 13:17

Iwe, lupwen Moses a tinirela, a üreniir, “Oupwe feitä lon ewe fanü Nekep o feila ngeni ewe fanü mi chukuchukutä,

Tuteronomi 1:7

Iei oupwe kul o sai. Oupwe sai ngeni fanüen chon Amor mi chukuchukutä, pwal ngeni fanüen chon aruur lon ewe lemolun Jortan. Oupwe sai ngeni ewe fanü mi chukuchukutä me ewe fanü mi maasies, ngeni ewe fanü Nekep me ewe fanü aroset, ewe fanüen chon Kanaan me Lepanon tori ewe chanpupu watte itan Oifrat.

Tuteronomi 2:34

Lon ewe fansoun sa pwal liapeni an kewe telinimw meinisin o unusen atarela. Sa pwal niela mwän, fefin me semirit, nge sisap amanaua eman.

Tuteronomi 7:24

Epwe pwal atolonga ar kewe king fän nemeniemi, nge ämi oupwe nirela pwe esap wor eman epwe chüen chechemeniir. Esap wor eman aramas epwe tongeni ü ngenikemi tori oupwe aroserela meinisin.

Josua 10:35

Iwe, ra liapeni ewe telinimw lon ewe chök ränin o niela aramasen lon meinisin, usun mine ra piin föri ngeni Lakis.

Josua 10:37

Ra liapeni ewe telinimw o niela chon fiti ar we king. Ra pwal atai wisoposopun kewe o niela aramasen lor meinisin. Josua esap amanaua eman, nge a fokun ataala ewe telinimw o arosala aramasen lon meinisin, usun mine a piin föri ngeni Eklon.

Josua 10:39

Iwe, Josua a liapeni ewe telinimw me an we king pwal wisoposopun meinisin. Ra fokun niela aramasen lon meinisin. Josua esap amanaua eman. Usun mine a piin föri ngeni Hepron me Lipna me ar kewe king, iei usun a pwal föri ngeni Tepir me an king.

Josua 11:16

Iwe, Josua a liapeni unusen ewe fanü: Ewe fanü mi chukuchukutä me ewe fanü tekison mi nom efeng me ör, unusen ewe fanü Kosen me ewe fanü Nekep pwal ewe lemolun Jortan.

Josua 12:8

A ngeniir ewe fanü mi chukuchukutä me ewe fanü tekison, ewe lemolun Jortan me ewe fanü mi pal, ewe fanüapö me ewe fanü Nekep. Ekei fanü fanüen chon Hit, chon Amor, chon Kanaan, chon Peris, chon Hiw me chon Jepus.

Josua 18:21

Iwe, ikkei iten ekewe telinimwen chon ewe ainangen Peniamin a aükük ngeni ükükün ar kewe famili: Jeriko, Pet-hokla me Emek-kesis,

Josua 6:17

Iwe, ewe telinimw me mettoch meinisin mi nom lon repwe pin fän iten ewe Samol mi Lapalap pwe repwe katala. Chilon chök Rahap ewe fin lisowu me meinisin mi nom ren lon imwan repwe manau, pun a aopa ekewe chon künö sia tiniir.

Josua 8:2

Iwe, kopwe föri ngeni Ai me an king usun mine ka fen föri ngeni Jeriko me an king. Nge liapemi me ekewe manfetal oupwe püsin angei pwe choon wokumi. Oupwe operi ewe telinimw me pelilotoun.”

Josua 8:27

Nge ekewe chon Israel ra angei ekewe man me ekewe pisek seni ewe telinimw pwe choon wokur, pun iei usun ewe Samol mi Lapalap a allük ngeni Josua.

Josua 9:24

Iwe, ekewe chon Kipeon ra üreni Josua, “Äm noum chon angang aia rongorong pwe a let mine ewe Samol mi Lapalap om we Kot a allük ngeni nöün we chon angang Moses, pwe epwe ngenikemi unusen ewe fanü o arosala chon meinisin me mwemi. Iei mine aia chüngümongüw manauem pokitemi o föri ei föför.