Josua 10:36 - Chuukese Bible

³⁶ Mürin, Josua me nöün sounfiu meinisin ra feitä seni Eklon o feila Hepron. Iwe, ra maun ngeni.

Josua 10:36 Iomraidhean Croise

Keneses 13:18

Iei mine Apram a atomwala imwan imw mangaku o feila. A aüetä imwan lein ekewe irä ook än Mamre lon ewe leni itan Hepron o nonom ikenan. Iwe, ikenan a pwal senätä eu rongen asor fän iten ewe Samol mi Lapalap.

1. Kronika 12:23

Iwe, chomong sounfiu mi uwei pisekin maun ra feila ren Tafit me lon Hepron, pwe repwe seikätä lon ewe wisen king siwilin Saul, usun mine ewe Samol mi Lapalap a fen apasa. Ikkei iteiten ekewe mwichen sounfiu:

1. Kronika 12:28

Pwal Satok eman alüal mi pöchökül o pwora, nge rüe me ruoman meilap seni püsin chon leimwan ra eti.

2. Kronika 11:10

Sora, Aialon me Hepron.

Numperis 13:22

Ra feitä akomw lon ewe fanü Nekep o tori Hepron ia Ahiman, Sesai me Talmai, ekewe mwirimwirin Anak, ra imweim ie. Nge ewe telinimw Hepron a kaütä fisu ier mwen ewe telinimw Soan lon Isip a kaütä.

Josua 10:3

Iei mine Atonisetek ewe kingen Jerusalem a tinala pworaus ren Hoham kingen Hepron, Piram kingen Jarmut, Japia kingen Lakis pwal Tepir kingen Eklon o üreniir,

Josua 10:35

Iwe, ra liapeni ewe telinimw lon ewe chök ränin o niela aramasen lon meinisin, usun mine ra piin föri ngeni Lakis.

Josua 10:37

Ra liapeni ewe telinimw o niela chon fiti ar we king. Ra pwal atai wisoposopun kewe o niela aramasen lor meinisin. Josua esap amanaua eman, nge a fokun ataala ewe telinimw o arosala aramasen lon meinisin, usun mine a piin föri ngeni Eklon.

Josua 10:5

Mürin, ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon, ir ekewe limman kingen chon Amor, ra amwichafengeni nöür sounfiu meinisin o feila Kipeon, ra pwelifeili ewe telinimw o maun ngeni.

Josua 15:13

Iwe, Josua a ngeni Kalep nöün Jefune we mwän eu kinikinin fanü me lein fanüen ekewe aramasen Juta, usun ewe Samol mi Lapalap a allük ngeni. Iwe, a ngeni Kalep Hepron ewe telinimw än Arpa, nge Arpa semen Anak.

Josua 15:54

Humta, Kiriat-arpa, iei Hepron, pwal Sior, ükükür meinisin tiu telinimw fiti wisoposopur.

Josua 21:13

Iei usun ra ngeni mwirimwirin ewe souasor Aaron ewe telinimw Hepron, ewe telinimwen op fän iten eman mi niela eman aramas, pwal ekewe fanü ünükün fän iten nöür man. Ra pwal ngeniir Lipna,

Soukapwüng 1:10

Iwe, chon Juta ra pwal feila maun ngeni ekewe chon Kanaan mi imweimw lon Hepron. Nge iten Hepron me lom Kiriat-arapa. Iwe, ra akufu Sesai, Ahiman me Talmai.

Soukapwüng 1:20

Iwe, ra ngeni Kalep ewe telinimw Hepron, usun Moses a fen apasa. Ätei a asüela seni lon Hepron ekewe ülüman mwän ir mwirimwirin Anak.