Josua 10:30 - Chuukese Bible

³⁰ Iwe, ewe Samol mi Lapalap a pwal atolonga fän nemenien chon Israel ewe telinimw me an king. Iwe, Josua a niela chon o arosala chokewe meinisin mi nom lon, nge esap amanaua eman. A föri ngeni kingen ewe telinimw usun mine a piin föri ngeni ewe kingen Jeriko.

Josua 10:30 Iomraidhean Croise

2. King 10:11

Mürin, Jehu a niela chokewe meinisin mi chüen manau seni chon leimwen Ahap me lon Jesrel, pwal nöün kewe meilap mi iteföüla, chiechian kewe me nöün kewe souasor, tori esap chüen wor eman mi manau me leir.

Numperis 32:22

Mürin, ika ewe fanü a nom fän nemenian, ämi oupwe liwinla, pun oua apwönüetä mine oua pwon ngeni ewe Samol mi Lapalap me ekewe chon Israel. Mürin, ewe Samol mi Lapalap epwe alletätä pwe ei fanü mi nom ötiuen ewe chanpupu Jortan fanüemi.

Tuteronomi 2:33

Nge ewe Samol mi Lapalap ach we Kot a atolonga i fän nemeniach. Iwe, sa akufu Sihon me nöün kewe mwän pwal nöün aramas meinisin.

Tuteronomi 7:2

Iwe, lupwen ewe Samol mi Lapalap ämi we Kot epwe atolongeer lepöümi, nge ämi oua akufuur, oupwe fokun aroserela meinisin. Ousap föri eu pwon ngeniir, ousap pwal ümöümöch ngeniir.

Josua 10:28

Iwe, lon ewe rän Josua a liapeni Maketa o ataela, a pwal niela ewe kingen lon o fokun arosala aramasan. Esap amanaua eman. A föri ngeni ewe kingen Maketa usun mine a piin föri ngeni ewe kingen Jeriko.

Josua 10:29

Mürin, Josua me nöün sounfiu meinisin ra feil seni Maketa o feila Lipna. Iwe, ra maun ngeni.

Josua 10:31

Mürin, Josua me nöün sounfiu meinisin ra pwal feil seni Lipna o feila Lakis. Iwe, ra pwelifeili ewe telinimw fän ar pisekin maun o maun ngeni.

Josua 11:12

Iwe, Josua a liapeni ekewe telinimw me ar kewe king meinisin, a niela aramasen lor o fokun aroserela, usun Moses nöün ewe Samol mi Lapalap we chon angang a fen allük.

Josua 12:15

ewe kingen Lipna me ewe kingen Atulam,

Josua 8:24

Iwe, ekewe re Israel ra niela ekewe re Ai meinisin me lon ewe fanü mi amassawa ia ra tapwerirela ie. Mürin, ra liwinsefäl ngeni Ai o niela chon meinisin.

Josua 8:29

A pwal forusi ewe kingen Ai won efoch irä tori lekuniol. Nge lupwen akkar a tuputiu, Josua a allük pwe repwe apichätiu inisin me won ewe irä. Iwe, ra moneetiu leasamalapen ewe telinimw o achukuchukätä won eu ioien fau mi watte a nom tori ikenai.

Josua 9:3

Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,