Josua 10:3 - Chuukese Bible

³ Iei mine Atonisetek ewe kingen Jerusalem a tinala pworaus ren Hoham kingen Hepron, Piram kingen Jarmut, Japia kingen Lakis pwal Tepir kingen Eklon o üreniir,

Josua 10:3 Iomraidhean Croise

Keneses 23:2

Iwe, Sara a mäla lon Kiriat Arpa, a pwal iteni Hepron, lon ewe fanü Kanaan. Nge Apraham a tolong ren pwe epwe kechüeiti Sara o ngüngüres won.

Keneses 37:14

Iwe, Israel a üreni, “Kopwe feila o pi are a öch pworausen pwiüm kewe me ekewe sip. Mürin, kopwe liwinto o asileto rei.” Iei mine Israel a tinala Josef seni ewe lemolun Hepron. Nge lupwen Josef a tori Sikem,

2. Samuel 2:11

Iwe, Tafit a king lon Hepron o nemeni unusen Juta seni ikenan lon ükükün fisu ier me wonu maram.

2. King 18:14

Iei mine Hiskia ewe kingen Juta a titila ren ewe kingen Asiria mi nom Lakis o üreni, “Üa föri och föför mi mwäl. Kose mochen kopwe kaüla le maun ngeniei. Mine ka ariani seniei, üpwe ngonuk.” Iwe, ewe kingen Asiria a ariani seni Hiskia ükükün engol ton silifer me eu ton kolt.

2. King 18:17

Iwe, ewe kingen Asiria a tinala ülüman meilap seni Lakis, ewe meilapen nöüwis, ewe meilapen chon tümwünü imwen king me ewe meilapen sounfiu, pwe repwe feila Jerusalem ren ewe king Hiskia fiti eu mwichen sounfiu mi chomong. Nge lupwen ra tori Jerusalem, ra ütä arun ewe lenien puun koluk mi feitu me lon ewe nomun koluk asan ünükün ewe alelap a ale ngeni ewe leni, ia aramas ra apwecha mangaku ie.

2. Kronika 11:9

Atoraim, Lakis, Aseka,

Jeremaia 34:7

lupwen nöün ewe kingen Papilon mwichen sounfiu a maun ngeni Jerusalem me ekewe lusun telinimwen Juta iter Lakis me Aseka. Pun ikkei chök ekewe telinimwen Juta mi pöchökül tittir ra chüen nom.

Mika 1:13

Ämi chon Lakis, oupwe ri ekewe oris ngeni ekewe woken. Ämi popun pwe ekewe chon Jerusalem ra tipis, pun än chon Israel kewe pupungau ra pwä me leimi.

Numperis 13:22

Ra feitä akomw lon ewe fanü Nekep o tori Hepron ia Ahiman, Sesai me Talmai, ekewe mwirimwirin Anak, ra imweim ie. Nge ewe telinimw Hepron a kaütä fisu ier mwen ewe telinimw Soan lon Isip a kaütä.

Josua 10:1

Iwe, Atonisetek ewe kingen Jerusalem a rong pwe Josua a liapeni Ai o fokun ataela. A föri ngeni Ai me an king usun mine a föri ngeni Jeriko me an king. A pwal rong pwe chon Kipeon ra kinamwe ngeni chon Israel o nonom lefiler.

Josua 10:23

Iwe, ra suki ewe fööimw o emwenawu ekewe limman king ren Josua: ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon.

Josua 10:34

Iwe, Josua me nöün sounfiu meinisin ra feil seni Lakis o feila Eklon. Ra pwelifeili ewe telinimw fän ar pisekin maun o maun ngeni.

Josua 10:5

Mürin, ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon, ir ekewe limman kingen chon Amor, ra amwichafengeni nöür sounfiu meinisin o feila Kipeon, ra pwelifeili ewe telinimw o maun ngeni.

Josua 14:15

Iwe, iten Hepron me lom telinimwen Arpa. Nge Arpa eman mwän mi iteföüla me lein mwirimwirin Anak. Iwe, ewe fanü a kinamwe, pun esap chüen wor maun.

Josua 15:54

Humta, Kiriat-arpa, iei Hepron, pwal Sior, ükükür meinisin tiu telinimw fiti wisoposopur.

Josua 15:63

Nge ekewe aramasen Juta resap tongeni asüela ekewe chon Jepus mi imweimw lon Jerusalem. Iei mine ekewe chon Jepus ra nomofengen me ekewe aramasen Juta lon Jerusalem tori ikenai.

Josua 18:28

Sela, Haelef me Jepus, iei Jerusalem, Kipea me Kiriat-jearim, ükükür meinisin engol me rüanü telinimw fiti wisoposopur. Iei fanüen chon ewe ainangen Peniamin a aükük ngeni ükükün ar kewe famili.