Josua 10:25 - Chuukese Bible

²⁵ Iwe, Josua a üreniir, “Ousap niuokus ika rükö. Oupwe apöchökülakemi o tipepwora. Pun iei usun ewe Samol mi Lapalap epwe föri ngeni chon oputemi meinisin, chokewe oupwe maun ngeniir.”

Josua 10:25 Iomraidhean Croise

Kölfel 63:9

Nge chokewe mi mochen nieila repwe feitiu epin fanüfan,

Kölfel 77:11

Ai Samol mi Lapalap, üpwe achemato om kewe föför. Ewer, üpwe chechemeni om kewe manaman ka föri me lom.

Nöün Paulus Toropwe ngeni ekewe Souläng lon Rom 8:37

Apwi, nge lon ekei mettoch meinisin sia fokun pwora ren ewe mi echenikich!

2. Korint 1:10

I a angasakem seni ekewe feiengauen mäla, i epwe pwal fokun angasakem. Äm aia anomu äm apilükülük won, pwe epwe sopwela le angasakem,

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

Tuteronomi 7:19

Oupwe chechemeni ekewe feiengau mi watte oua küna ren mesemi, ekewe asisil me manaman, pwal än ewe Samol mi Lapalap emwenikemiiwu ren pöün mi manaman o aköüpöü. Ewe Samol mi Lapalap ämi we Kot epwe föri ngeni ekewe aramas meinisin oua niuokusitiir usun mine a fen föri ngeni chon Isip.

Josua 1:6

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 10:8

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

1. Samuel 17:37

Ewe Samol mi Lapalap mi amanauaei seni ewe laion me ewe pear epwe pwal amanauaei seni ei re Filistia.” Saul a üreni Tafit, “Kole feila, ewe Samol mi Lapalap epwe etuk.”