Josua 10:24 - Chuukese Bible

²⁴ Nge lupwen ra emwenireto ren, Josua a körato ekewe re Israel meinisin o üreni ekewe samolun sounfiu mi eti le maun, “Oupwe kanoto o ipwetä won üwen ekei king.” Mürin ra kanoto o ipwetä won üwer.

Josua 10:24 Iomraidhean Croise

2. Samuel 22:39

Üa atururela pwe resap chüen tongeni ütä. Ra turula arun pechei.

2. Samuel 22:41

Ka föri pwe ekewe chon pälüeniei ra sü seniei, üa arosala chokewe mi oputaei.

Kölfel 107:40

Iwe, Kot a anomu itengau won ekewe aramas tekia o föri pwe ra fetalfeil lon fanüapö, ia esap wor efoch al ie.

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 110:5

Ewe Samol a nom lepelifichum. I epwe akufu ekewe king lon ewe rän a lingeringer.

Kölfel 18:40

Ka föri pwe ekewe chon pälüeniei ra sü seniei, üa arosala chokewe mi oputaei.

Kölfel 91:13

Kopwe ipwetiu won laion me serepenit, kopwe purätiu fän pecheöm ekewe nienifön laion me ekewe serepenit mi poison.

Aisea 51:23

Üpwe isenalong ewe kap lepöün chon ariaföüuk, lepöün chokewe mi ürenuk, ‘Kopwe chapala pwe aipwe fetal womw.’ Ina usun ka awenala sökürum won pwül, pwe epwe usun chök efoch al ra tongeni fetal won.”

Malakai 4:3

Lon ewe rän üpwe afisi ekei föför, ämi oupwe purätiu ekewe aramasangau, nge ir repwe usun chök falang me fän pechemi.

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

Tuteronomi 33:29

Israel, ka feiöch. Iö a wewe ngonuk? En eu mwichen aramas mi küna manau me ren ewe Samol mi Lapalap. I tittum me om soualilis, pwal i noum ketilas mi ewinnok. Chon oputom repwe feito reöm o pwarorotiu ngonuk, nge en kopwe puriretiu.

Ipru 1:13

Kot esap fokun apasa ngeni eman nöün kewe chon läng, “Kopwe mottiu lepelifichi tori üpwe anomu chon oputom, pwe repwe lenien puun pecheöm.”

Soukapwüng 8:20

Mürin, a üreni Jeter nöün mwänichi, “Kopwe ütä o niir.” Nge ewe ät esap ütti nöün ketilas, pun a niuokus pokiten i a chüen kükün.