Josua 10:19 - Chuukese Bible

¹⁹ Nge püsin ämi ousap nonom ikenan, pwe oupwe tapweri chon oputakemi. Oupwe maun ngeniir me lükisökürür, nge ousap mwüt ngeniir pwe repwe tolong lon ar kewe telinimw. Pun ewe Samol mi Lapalap ämi we Kot a awinnakemi.”

Josua 10:19 Iomraidhean Croise

2. Samuel 17:13

Nge are epwe tolong lon eu telinimw, chon Israel meinisin repwe uwato säl o üri ewe telinimw ngeni ewe lemol tori esap chüen wor emök fau epwe nom lon ewe leni.”

2. Samuel 20:6

Iwe, ewe king a üreni Apisai, “Iei Sepa nöün Pikri we mwän epwe afeiengauakich lap seni Apsalom. Kopwe angei nei sounfiu o tapweri, pwe esap tolong lon ekewe telinimw mi wor tittir o sü senikich.”

Jeremaia 48:10

A anümamau ätewe mi föri än ewe Samol mi Lapalap angang fän tümwününgau. A anümamau ätewe mi amwöchü an ketilas seni an epwe ni aramas.

Jeremaia 8:14

Nge ekewe aramas ra apasa, “Pwota sa chök momot? Ousipwe chufengen o sülong lon ekewe telinimw mi pöchökül tittir, pwe sipwe mäla ikenan. Pun ewe Samol mi Lapalap ach Kot a anümamauakich pwe sipwe mäla. A ngenikich koluk mi poison pwe sipwe ün, pun sia tipis ngeni ewe Samol mi Lapalap.

Josua 10:18

Mürin Josua a üra, “Oupwe pünüweto fau mi watte mesen ewe fööimw, oupwe pwal awisa ekoch mwän pwe repwe mamaseer.

Josua 10:20

Iwe, Josua me ekewe re Israel ra nirela o aroserela, chilon chök ekoch mi süri ekewe telinimw mi tit.