Josua 10:16 - Chuukese Bible

¹⁶ Iwe, ekewe limman king ra süla o op lon ewe fööimw lon Maketa.

Josua 10:16 Iomraidhean Croise

Kölfel 68:12

“Ekewe king me nöür kewe mwichen sounfiu ra süla.” Ekewe fefin mi nom leimw ra inetifengeni mine ekewe sounfiu ra liapeni lon maun.

Kölfel 68:13

Uluulun lisom, pöükässir ra pwölüpwöl ngeni silifer, nge ülöüler ra molupolup ren kolt mi mürina. Pwota ekoch me leimi ra chök nonom lefilen ekewe lenien sip?

Amos 9:2

Inamwo are ra püsin tuetiu aler ngeni ewe lenien sotup, pei epwe turufiir me ikenan. Inamwo are ra feitä läng, üpwe uweeretiu seni ikenan.

Mika 7:17

Repwe chönawei pwül moromor usun serepenit, repwe tö usun mantötö won pwül. Repwe towu seni ar kewe imwen maun mi pöchökül fän chechech. Repwe kul ngeni ewe Samol mi Lapalap ach we Kot fän niuokus.

Josua 10:15

Mürin, Josua me nöün sounfiu meinisin ra liwiniti Kilkal ewe ia ra nom ie.

Josua 10:17

Nge eman a küneer o asile ngeni Josua pwe ra op lon ewe fööimw lon Maketa.

Josua 10:5

Mürin, ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon, ir ekewe limman kingen chon Amor, ra amwichafengeni nöür sounfiu meinisin o feila Kipeon, ra pwelifeili ewe telinimw o maun ngeni.

Pwärätä 6:15

Mürin ekewe kingen fanüfan, ekewe sounemenem me meilapen sounfiu, ekewe chon pisekisek me ekewe mi wor maner, pwal ekewe aramas meinisin, ekewe amanau me ekewe mi ngas ra aopeer lon ekewe föüimw pwal fän säpereperen ekewe achau won ekewe chuk.

Soukapwüng 6:2

Nge chon Mitian ra fokun nemenemengau ngeniir. Iei mine ekewe aramasen Israel ra opolong lon ekewe pwang mi nom won ekewe chuk, lon ekewe föimw, pwal lon ekewe leni mi pöchökül.

1. Samuel 13:6

Nge lupwen ekewe sounfiun Israel ra küna pwe ra oleelim, pun ra fokun nom lechach, ra op lon föimw, lon pwang, fän achau, lon ekewe nas pwal lon ekewe chönüttu.

1. Samuel 24:3

Iwe, a tori ekewe lenien sip mi nom lepekin al, ia a wor ie eu föimw. Saul a tolong lon ewe föimw pwe epwe ngasala, nge Tafit me nöün kewe mwän ra mot epichikin ewe föimw.

1. Samuel 24:8

Mürin, Tafit a pwal ütä, a towu seni ewe föimw o kökköla mürin Saul, “Ai samol me ai king.” Nge lupwen Saul a nennesökür, Tafit a chapetiu lepwül o asamolu.