Josua 10:13 - Chuukese Bible

¹³ Iwe, akkar a üla pwal ewe maram, tori ekewe chon Israel ra akufu chon oputeer. Ei pworaus a mak lon nöün Iasar puk. Iwe, akkar a üla me lukalapen läng, nge a mang le tuputiu lon ükükün unusen eu rän.

Josua 10:13 Iomraidhean Croise

2. Samuel 1:18

o apasa pwe repwe aiti ngeni ekewe aramasen Juta. (Ei kölün kechü a mak lon ewe puken Jasar.)

2. King 20:10

Hiskia a pälüeni, “Epwe fen mecheres pwe nürün ewe wok epwe feila won engol kinikin. Üa filätä pwe epwe liwinsefälila won engol kinikin.”

Ester 8:13

Iwe, masouen ekewe toropwe epwe wiliti allük, nge kapiin epwe tori ekewe sop meinisin, pwe ewe allük epwe rongofeil ngeni aramas meinisin. Iwe, ekewe chon Juta repwe tongeni amol ngeni ewe rän, pwe repwe fiu ngeni chon oputeer.

Hiop 9:7

A allük ngeni akkar pwe esap tötä, a amwöchü ekewe fü pwe resap tin.

Kölfel 148:3

Oupwe mwareiti i, ämi akkar me maram, oupwe mwareiti i, ämi fü meinisin mi tin.

Kölfel 19:4

Nge mwelier a chöfetal lemenen unusen fanüfan, ar kapas a tori lesopun fanüfan. Kot a föri eu imw fän läng fän iten akkar.

Aisea 24:23

Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.

Aisea 38:8

Epwe aliwinisefäliela nürün ewe wok ngeni engol kinikin me won än Ahas we lenien aükük fansoun.” Iei mine akkar a liwinsefäl ngeni ekewe engol kinikin a fen palala me won ewe lenien aükük fansoun.

Sowel 2:10

Iwe, fanüfan me läng ra chechech, lupwen ra feito. Akkar me maram ra rochola, nge fü kana resap chüen tin.

Sowel 2:31

Akkar epwe rochola, nge maram epwe wiliti cha mwen epwe war ränin ewe Samol mi Lapalap, ewe rän mi lap o eniwokus.

Sowel 3:15

Iwe, akkar me maram repwe rochola, nge ekewe fü resap chüen tin.

Apakuk 3:11

Akkar me maram ra üla lon lenier ren tinen noum föün esefich, lupwen ra pis, pwal ren wokum siles mi meriweriw.

Numperis 21:14

Iei mine a mak lon ewe puken maun än ewe Samol mi Lapalap, “Wahep lon Sufa me ekewe lemol, ewe chanpupu Arnon

Numperis 31:2

“Kopwe ngeni ekewe chon Mitian chappen ar föför ngeni chon Israel. Mürin kopwap mäla.”

Mateus 24:29

“Lon ewe chök otun mürin ewe fansoun riaföü, akkar epwe rochola, maram esap chüen tittin, ekewe fü repwe turutiu me läng, nge ekewe manamanen läng repwe mwöküt seni lenier.

Mateus 5:45

pwe oupwe wiliti nöün Sememi mi nom läng. Pun i a atötai förian akkar won ekewe aramasangau me aramasöch, nge a apüngatiu üt won chon pwüng me chon pwüngingau.

Lukas 18:7

Ifa usun, Kot esap fokun pwärala än nöün kewe mi fil pwüng, ir chokewe mi kökköri le rän me le pwin? Ifa usun, epwe mang le alisiir?

Föför 2:20

Akkar epwe rochola, nge maram epwe wiliti cha, mwen epwe war ränin ewe Samol, ewe rän mi lap o ling.

Josua 10:11

Iwe, lupwen ra sü me mwen ekewe chon Israel o sütiu won ewe al ngeni Pet-horon tori Aseka, ewe Samol mi Lapalap a apüngätiu ütten fau mi watte wor seni läng, pwe ra mäla. Iwe, a wor chomong mi mäla pokiten ewe ütten fau, lap seni chokewe ekewe re Israel ra nirela ren ketilas.

Josua 10:14

Iwe, esap wor eu rän usun ei rän lon ekewe fansoun mwan ika me mürin, pwe ewe Samol mi Lapalap a aüselinga alon eman aramas. Pun ewe Samol mi Lapalap a maun fän iten Israel.

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.

Pwärätä 6:10

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?”

Pwärätä 6:12

Iwe, üa nenengeni pwe ewe Lam a ülei ewe awonuen pwau. A fis eu chechechin fanü mi fokun lapalap. Akkar a fokun rochola usun chök mangaku mi chol seni tuk, nge ewe maram a fokun parala usun chök paren cha.

Pwärätä 8:12

Mürin ewe afömanün chon läng a ettiki nöün rappwa. Iwe, eu leülüngatin ewe akkar a rochola, pwal eu leülüngatin ewe maram me eu leülüngatin ekewe fü, pwe eu leülüngatir resap chüen saram. Lerän esap wor saram lon ükükün rüanü awa, lepwin esap pwal wor saram lon ükükün rüanü awa.

Soukapwüng 16:28

Mürin, Samson a iotek ngeni ewe Samol mi Lapalap, “Ai Samol me ai Kot, üa tüngor ngonuk kopwe chechemeniei. Ai Kot, kose mochen kopwe apöchökülaei pwal fän eu chök o mwüt ngeniei, pwe üpwe ngeni ekei chon Filistia chappen ar föför ngeniei fän iten mine ra föri ngeni mesei kei ruoföü.

Soukapwüng 5:2

“Sipwe mwareiti ewe Samol mi Lapalap fän iten ekewe souemwen mi emweni chon Israel, fän iten ekewe aramas mi fangala inisir ren mochenin letiper.