Josua 10:12 - Chuukese Bible

¹² Iwe, lon ewe ränin, lupwen ewe Samol mi Lapalap a atolonga ekewe chon Amor lepöün chon Israel, Josua a kapas ngeni ewe Samol mi Lapalap o apasa me fän mesen ekewe chon Israel, “Akkar, kopwe üla me asen Kipeon, nge en, maram, kopwe üla me asen ewe lemolun Aialon.”

Josua 10:12 Iomraidhean Croise

2. Samuel 2:12

Iwe, Apner me nöün Isiposet kewe sounfiu ra towu seni Mahanaim o feila Kipeon.

2. King 20:10

Hiskia a pälüeni, “Epwe fen mecheres pwe nürün ewe wok epwe feila won engol kinikin. Üa filätä pwe epwe liwinsefälila won engol kinikin.”

2. King 20:11

Iwe, ewe soufos Aisea a siö ngeni ewe Samol mi Lapalap, nge ewe Samol mi Lapalap a aliwinisefäli nürün ewe wok won engol kinikin me won än Ahas we lenien aükük fansoun.

2. King 20:9

Nge Aisea a pälüeni, “Iei ewe asisil seni ewe Samol mi Lapalap pwe epwe apwönüetä mine a eäni pwon ngonuk. Ifa usun, nürün ewe wok epwe feila won engol kinikin, ika epwe liwinsefälila won engol kinikin?”

1. Kronika 8:13

Peria me Sema ir mwänirelan ar kewe cho mi imweimw lon Aialon, ir ätekewe mi asüela ekewe aramas mi nom lon ewe telinimw Kat.

2. Kronika 11:10

Sora, Aialon me Hepron.

Hiop 9:7

A allük ngeni akkar pwe esap tötä, a amwöchü ekewe fü pwe resap tin.

Kölfel 148:3

Oupwe mwareiti i, ämi akkar me maram, oupwe mwareiti i, ämi fü meinisin mi tin.

Kölfel 19:4

Nge mwelier a chöfetal lemenen unusen fanüfan, ar kapas a tori lesopun fanüfan. Kot a föri eu imw fän läng fän iten akkar.

Kölfel 74:16

En ka föri rän me pwin. Ka anomu lon lenier maram me akkar.

Aisea 28:21

Iwe, ewe Samol mi Lapalap epwe ütä usun a ütä won ewe chukun Perasim, epwe pwal song usun a song me lon ewe lemolun Kipeon. Epwe föri sokun föför esap wor eman a küküna me mwan, epwe afisi an angang, sokun angang aramas resap wewe ren.

Aisea 38:8

Epwe aliwinisefäliela nürün ewe wok ngeni engol kinikin me won än Ahas we lenien aükük fansoun.” Iei mine akkar a liwinsefäl ngeni ekewe engol kinikin a fen palala me won ewe lenien aükük fansoun.

Aisea 60:20

Om akkar esap chüen tuputiu, nge om maram esap kirochola. Pun ngang ewe Samol mi Lapalap üpwe om saram tori feilfeilachök, nge ränin om letipeta repwe müchüla.

Jeremaia 28:1

Lon ewe chök ier, lepoputän mwün Setekia ewe kingen Juta, lon alimuen maramen ewe arüanün ierin an nemenem, eman soufos seni Kipeon itan Hanania nöün Asur we mwän a kapas ngeniei me lon imwen ewe Samol mi Lapalap me fän mesen ekewe souasor me ekewe aramas meinisin. A apasa,

Amos 2:9

Nge pokitemi, ämi nei aramas, üa wesewesen arosala ekewe chon Amor, chokewe mi langatam usun ekewe irä setar o pöchökül usun ekewe irä ook.

Amos 8:9

Iwe, Kot ewe Samol mi Lapalap a apasa, “Lon ena fansoun üpwe föri pwe akkar epwe tuputiu leoloas, nge fanüfan epwe rochola lerän.

Apakuk 2:20

Ewe Samol mi Lapalap a nom lon imwan mi pin, nge chon fanüfan meinisin repwe mosonosonola me fän mesan.

Apakuk 3:11

Akkar me maram ra üla lon lenier ren tinen noum föün esefich, lupwen ra pis, pwal ren wokum siles mi meriweriw.

Sekaraia 2:13

Oupwe mosonosonola fän mesen ewe Samol mi Lapalap, ämi aramas meinisin, pun i a feito seni lenian mi pin.

Tuteronomi 17:3

are a feila o angang ngeni pwal ekoch kot, are a fel ngeniir, ika a fel ngeni akkar ika maram ika ngeni ekewe fü ewe Samol mi Lapalap esap tipeeu ngeni,

Tuteronomi 4:19

Oupwe tümwünükemi, pwe lupwen oupwe netä läng o küna akkar me maram me fü kana pwal masouen fän läng meinisin ousap tupula o fel ngeniir ika pwal angang ngeniir. Pun ewe Samol mi Lapalap ämi we Kot a mwütätä ngeni chon ekewe mwü won fanüfan ekei mettoch pwe repwe fel ngeniir.

Josua 10:13

Iwe, akkar a üla pwal ewe maram, tori ekewe chon Israel ra akufu chon oputeer. Ei pworaus a mak lon nöün Iasar puk. Iwe, akkar a üla me lukalapen läng, nge a mang le tuputiu lon ükükün unusen eu rän.

Josua 19:42

Sa-alapin, Aijalon me Itla,

Josua 21:24

Aijalon me Kat-rimon, pwal ekewe fanü ünükür fän iten nöür man, ükükün rüanü telinimw.

Soukapwüng 12:12

Mürin, Elon a mäla, nge ra peiaseni lon Aijalon lon ewe fanü Sepulon.

Soukapwüng 5:20

Ekewe fün läng ra maun, ekewe fü mi mwökütfeil ra maun ngeni Sisera.

1. Samuel 12:18

Iei mine Samuel a tüngor ngeni ewe Samol mi Lapalap, nge i a tinato chopulap me üt lon ewe ränin. Iwe, ekewe aramas meinisin ra fokun niuokusiti ewe Samol mi Lapalap me Samuel.

1. Samuel 14:31

Lon ewe ränin ekewe re Israel ra akufu ekewe re Filistia seni Mikmas tori Aialon. Nge ekewe aramas ra fokun aiengauen echik.