Josua 10:11 - Chuukese Bible

¹¹ Iwe, lupwen ra sü me mwen ekewe chon Israel o sütiu won ewe al ngeni Pet-horon tori Aseka, ewe Samol mi Lapalap a apüngätiu ütten fau mi watte wor seni läng, pwe ra mäla. Iwe, a wor chomong mi mäla pokiten ewe ütten fau, lap seni chokewe ekewe re Israel ra nirela ren ketilas.

Josua 10:11 Iomraidhean Croise

Keneses 19:24

Mürin, ewe Samol mi Lapalap a apüngätiu seni läng ütten primston me ekkei won Sotom me Komora.

2. Samuel 18:8

Iwe, ewe maun a chöüla won unusen ewe fanü. Nge chokewe mi mäla lein ewe wöllap lon ewe rän ra kon chomong seni ir mi mäla lon maun.

Hiop 38:22

Ifa usun, ka fen tolong lon ekewe imwen iseis sno, ika ka küna ekewe imwen iseis ütten fau?

Hiop 38:23

Üa amoleretä fän iten ewe fansoun osukosuk, ewe fansoun fiu me maun.

Kölfel 11:6

A apüngätiu molien ekkei me primston won ekewe aramasangau. A apwüngüür ren asepwäl mi pwichikar.

Kölfel 147:17

A amorätiu föün ais usun chari. Iö a tongeni pwäk ngeni patapatan?

Aisea 28:2

Nengeni, a fen wor eman mi manaman o pöchökül, ewe Samol epwe tinala, a usun chök eu ütten fau mi afeiengau me eu mölümöl, pwal usun chök üt mi püngümong me eu noter. Iwe, i epwe aturala Samaria won pwül fän pöchökül.

Aisea 28:21

Iwe, ewe Samol mi Lapalap epwe ütä usun a ütä won ewe chukun Perasim, epwe pwal song usun a song me lon ewe lemolun Kipeon. Epwe föri sokun föför esap wor eman a küküna me mwan, epwe afisi an angang, sokun angang aramas resap wewe ren.

Aisea 30:30

Nge ewe Samol mi Lapalap epwe föri pwe aramas repwe rongorong mwelian mi osomong, epwe pwal aküna ngeniir pöün mi feitiu wor fän an song mi watte. Epwe wor ekkei mi ngetenget, pwal üttomong me mölümöl me ütten fau.

Isikiel 13:11

Iei mine kopwe üreni chokewe ra chök apwecha ewe tit, pwe epwe turula. Epwe püngütiu ütomong won. Üpwe pwal tinato ütten fau me eu mölümöl won.

Tuteronomi 20:4

Pun ewe Samol mi Lapalap ämi we Kot epwe etikemi o fiu fän itemi ngeni chon oputakemi, pwe epwe awinakemi.’

Pwärätä 11:19

Mürin än Kot we imwenfel lon läng a sukula, o a pwä ewe pworofel mi nom ikenan. Iwe, a fis fifin inefi, ngüngü me chopun chopulap, pwal chechechin fanü me üten fau mi püngüchou.

Pwärätä 16:21

Üten fau mi watte, choun eföü ina epwe ükükün ipükü paun, ra turutiu seni läng won ekewe aramas. Iwe, ekewe aramas ra otteki Kot pokiten ewe feiengau ren ewe üten fau, pun ewe feiengau a fokun aniuokus.

Soukapwüng 5:20

Ekewe fün läng ra maun, ekewe fü mi mwökütfeil ra maun ngeni Sisera.